Qazaqstanda köçle salqınnar
İlneñ bik küp şähärlärendä yıraqtan belem aluğa küçtelär
Qazaqstanda köçle suıqlar säbäple başqala Astanada häm başqa töbäklärdä uqu yortları yıraqtan belem birügä küçte. Hawa temperaturası anda -35 -38 gradusqa qadär töşte. Älege qarar Astana, Aqtübä, Karaganda, Kükçätaw, Kostanay, Petropavel, Qızılurda, Simäy, Pavlodar häm İkebaştoz şähärlärendä, universitetlardan tış, barlıq uqu yortlarına qağıla.
İl külämendä awır qış şartları köndälek tormışqa täêsiren däwam itä. Könçığıştağı Abay töbägendä yaqınça 100 texnika köçle qar buranı arqasında yulda qaldı. Maşinalardağı 29 xatın-qız häm balanı boralaqlar belän êvakuaśiyälädelär.
Qazaqstannıñ keşe iñ küp yäşi torğan Almata şähärendä qar qalınlığı 7 santimetrğa citte.
İl külämendä köçle salqınnarnıñ kiläse atna axırına qadär däwam itäçäge belderelde.
Bäyläneşle xäbärlär
Törki investiśiya fondı qorıla
Fond Törki däwlätlär arasındağı iqtisadi häm säwdä mönäsäbätlären üsteräçäk
Lukaşenko Azärbaycanğa kilde
Belarus' ilbaşı Ärmänstan yawınnan qotılğan Fuzuli häm Şuşa şähärlärenä bardı