Qırğızstan watandaşların Rusiyä mäs’äläsendä kisätte

İl citäkçelege watandaşlarnı iğ’tibarlı bulırğa häm provokaśiyälärgä birelmäskä çaqırdı.

Qırğızstan êş, sośial’ iminlek häm migraśiya ministrlığı:

“Rusiyädäge wäkilçelegebez sośial’ çeltärlär häm “Telegram” kebek populyar êlemtä programmaları (Messenger) aşa watandaşlarıbıznıñ, şul isäptän baliğ’ bulmağannarnıñ da Rusiyädä terror çaralarında qatnaşuı öçen aktiv räweştä künderelergä tırışıluı mäs’äläsendä kisätä”, - dip belderde.

Propagandanı yasawçılarnıñ awır waqıtların kiçergän häm depressiyädäge keşelärne saylap aluı citkerelde. Potenśial’ aktivçılarnıñ saylap alınuı öçen korrespondenśiyäse analizlana.

Dini, mädäni häm milli üzençälekläre dä - isäpkä alınğan faktorlar arasında.

Qırğızstan ministrlığı ayıruça Rusiyädä yäşäwçe yäki waqıtlıça qaluçı watandaşların şöbxäle sośial’ çaralarğa quşılmasqa, sośial’ çeltärlär aşa êşkä kerü öçen möräcäğät itmäskä, balalarnıñ xäräkätlären kontrol itärgä çaqırdı.

Rusiyä İlbaşı idaräse süzçese Dmitriy Peskov “Telegram”nıñ tözüçese Pavel Durovnıñ iğtibarın messendjernıñ terrorçılar tarafınnan qullanıluına yünältkän ide.

Bu mäs’älä “Krokus Siti Xoll”dağı terror çarasın başqarğan cinayätçelärneñ berseneñ boyırıqnı “Telegram”dağı ber “wäğazçe yärdämçesennän” aluın äytkännän soñ kön tärtibenä kilep urnaşqan ide.