Qırğızstanda yul hälakäte

Qırğızstanda ber pikapnıñ “Milli Manas dästanı” çarasında qatnaşuçılar êçenä bärep kerüe näticäsendä 29 uquçı bala yaralandı. Waqıyğa Cälälabad töbäge Suzak rayonındağı Djerge -Tal cirlegendä bula. Anda açıq mäydanda milli “Manas” dästanın uqu çarası uzdırıla. Şul çaqta yul qırına quyılğan maşina bilgesez säbäplär arqasında tawdan asqa taba xäräkät itä. Ul çarada qatnaşuçılarğa kilep bärelä.    

Qırğızstan sälamätlek saqlaw ministrlığınnan belderülärençä, waqıyğada 9 yäş’tän alıp 16ğa qadärge 29 bala yaralana. Alarnıñ 3seneñ xäle awır buluı belderelde.

Maşinanıñ xucası saq astına alındı. Ul soraw aluda älege çarağa tuñdırma iltüen häm maşinasınıñ quyğan urınnan ni öçender quzğalıp kitüen äytä.