Dawıtoğlu: “Êçkersezlekne soraw astına alırbız”
“Rusiyägä “citär inde” dip äytä almawçı dairälärneñ Törkiyägä “çikläregezne açığız” dip kiñäş itüe ikeyözlelek”.
Törkiyä Premyer-ministrı Äxmät Dawıtoğlu “PYD”neñ terror oyışması bulmawın yaqlawnıñ terrorçılıqqa qarşı alıp barılaçaq köräşkä iñ zur zıyan kiterü mäğnäsenä turı kilüen äytte.
Räsmi säfär belän kitkän Niderlandta "“PYD” – terror oyışması tügel”, - dip alğa sörüçelärgä möräcäğät itüçe Dawıtoğlu: "Ägär beräw quldağı şuşı küzläw mäğlümatlärenä qaramastan “PKK” – terror oyışması, ämma “PYD” tügel, dip äytä ikän, uç çaqta êçkersezlekne soraw astına alırbız”, - dip belderde.
Premyer-ministr Äxmät Dawıtoğlunıñ kön tärtibendä Süriyä dä bar ide.
Berläşkän Millätlär Oyışmasınıñ Törkiyägä qarata “çikläregezne açığız” soraw-taläbe belän Süriyägä qaraş totışına kisken reaktsiya citkerüçe Dawıtoğlu: "Törkiyä çiklären berqayçan da yapmadı. Rusiyägä borılıp “citär inde” dip äytä almawçı qayber dairälärneñ Törkiyägä qarata “çikläregezne açığız” dip kiñäş itüen dä ikeyözlelek bularaq küräm. Xalıqara cämäğätçelek buldıqsızlıqnıñ cawaplılığın Törkiyägä awdarıp qalmasın”, - dip äytte.
Törkiyäneñ berençe çirattağı maqsatınıñ süriyälelärne Süriyädäge lagerlarda urnaştıru buluın da belderüçe premyer-ministr monıñ öçen yaña lagerlar tözelüen äytte.
Dawıtoğlu Törkiyäneñ Süriyä qaçaqların qabul itärgä däwam itäçägen, fäqät Süriyäneñ demografik qorılışı belän ber rättän Törkiyäneñ çik buyındağı demografik tigezlekneñ üzgärüenä hiç röxsät birmäyäçägen dä assızıqlap äytep uzdı.
Dawıtoğlu Niderlandta Ximik qorallarnı tıyu üzägenä barğan çaqta yasağan belderüendä:
"Qayber küzläw xisapları şunı kürsätä: Süriyädä äle dä başqa ximik qoral cıyılmaları da bar. Bu - 5 yıl buyı zur humanitar faciğa yäşäwçe Süriyä xalqı öçen zur qurqınıç bulıp tora”, - dip äytte.
Premyer-ministr Dawıtoğlu Törkiyäneñ Gaaga ilçelegendä dä “ASALA” terror oyışmasınıñ 1979nçı yılda şähit itkän, ul çaqtağı Gaaga tulı wäqälätle ilçese Özdämir Bänlärneñ ulı Äxmät Bänlär istälegenä salınğan häykälne qaradı.
Kiç belän ildäge törek cämäğätçelege wäkilläre belän oçraşqan Äxmät Dawıtoğlu: "Süriyälelärgä yärdäm qulın suzığız”, - dip çaqıru yasadı.
