"Dialog öçen härwaqıt äzerbez"

Rusiyäneñ “Sputnik” xäbär agentlığı beldergänçä, Törkiyä tışqı eşlär ministrı Mävlit Çavuşoğlu parlamentnıñ plan-byudjet komissiyäsendä yasağan çığışında 24 nçe noyabrdä Törkiyäneñ Süriyä çik buyında Rusiya oçqıçın bärep töşerü mäs'äläsenä tuqtaldı.

Çavuşoğlu bu xaqta tübändägelärne citkerde:” Älege waqiğada maqsat Rusiya tügel, maqsat il hawa kiñlegen bozğan oçqıç ide. Törkiyä köç häm qoral qullanu qağidälären ütäde. Bu waqiğadan soñ tınıç, sabır säyäsät alıp barabız. Rusiya isä qızğanıç törek xalqına zarar birüne maqsat itep quyğan säyäsätne sayladı. Törkiyä ilbaşın häm ğomumän ilebezne maqsat itep alğan qaraltu, yamanlaw kampaniyäse alıp bardı häm bezne qotırtırğa tırıştı. Bez dä kiräkle cawaplarnı birdek. Ämma bez salqın qanlı bulıp qaldıq. Dialog öçen härwaqıt äzerbez. Rusiyänen dä aqıllı fiker yörtüen telibez”.