Törkiyäneñ humanitar yärdäm eşçänlekläre

Süriyä krizisı barışında yaqınça 9 milliard dollar humanitar yärdäm başqarğan Törkiyä sıyınuçılar öçen xalıqara oyışmalardan kilgän yärdämnärdän 20 tapqırğa kübräk aqça sarıf itte. Ministrlar kabinetına bäyle afät häm ğadättän tış xällär räislege mäğlümatlarına kürä, 2011 nçe yılda başlanğan Süriyädäge watandaşlar suğışı däwerendä 20 million xalqı bulğan ildä 13 million yarım keşe yärdämgä moxtac buldı.
5 yıl eçendä 6 million yarım keşe yäşägän cirlären taşlap kitte,4 milion 300 meñ keşe Süriyägä çiktäş illärgä kilep sıyındı.
Bu qısada 2 million 600 meñ sıyınuçı Törkiyägä kilde.
İldä alar öçen 26 waqıtlı qalu üzäkläre qorıldı.
Törkiyä “açıq işeklär säyäsäte” alıp barıp ,60 million keşe qaçaq wäzğiyatendä bulğan dönyada iñ küp sıyınuçı qaluçı ilgä äwerelde.
Berläşkän Millätlär Oyışmasına bäyle oyışmalarnı da kertep xalıqara cämğiyätneñ yärdäme 455 million dollar belän çiklände.
Bu sannar 1 liralıq çittän yärdämgä Törkiyäneñ sıyınuçılar öçen 20 lira sarıf itüen kürsätä.
Törkiyä milli tulayım tabış bazasında byudjetınıñ 0,21%ın humanitar yärdäm eşçänleklärenä totqan.
Çik buyında 22 meñ 495 maşina belän azıq-tölek, daru ,meditsina häm başqa kiräk-yaraqlar öçen 1 milliard 258 million 64 meñ 357 lira külämendä humanitar yärdäm başqarıldı.
Berläşkän Millätlär Oyışması humanitar yärdäm konvoyları belän tuplam 7 meñ 15 yök maşinası yärdäm materialı Nusaybin, Öncüpınar häm Cilvägözü çik buyı punktları aşa uzıp moxtaclarğa ireşterelde.