Änkarada çığarılış kiçäse

Çit ildӓge törki xalıqlar hӓm tuğandaş cӓmğiyӓt’lӓr idarӓse tarafınnan tradiśion bularaq oyıştırılıp kilüçe Çit il uquçılarınıñ çığarılış kiçӓseneñ 8nçese bügen Törkiyä ilbaşı Räcäp Tayyip Ärdoğan qatnaşında Ӓnkara Sӓwdӓ Palatası (ATO) Kongressiumda uzaçaq.

Soñğı yıllarda möhim belem birü üzӓgenӓ ӓylӓngӓn Törkiyӓ Çit ildӓge törki xalıqlar hӓm tuğandaş cӓmğiyӓt’lӓr idarӓseneñ “Törkiyӓ stipendiyalӓre” isemle programması belӓn dönyanıñ hӓr poçmağınnan uquçılarğa yuğarı belem ölkӓsendӓ forsatlar tӓqdim itӓ.

Törkiyӓneñ törle universitetlarında belem aluçı uquçılar isӓ çığarılış kiçӓsennӓn soñ illӓrenӓ qaytıp, cӓmğiyӓt’lӓreneñ qalqınuına öleş kertӓ.

Şul arada Çit ildӓge törki xalıqlar hӓm tuğandaş cӓmğiyӓt’lӓr idarӓse Törkiyӓdӓ belem alıp, tuğan yaqlarına qaytqan uquçılarnı da yalğız qaldırmıy.

Dönyanıñ hӓr poçmağında oçraşular oyıştırıp, bağlarnı nığıta; illӓrara sӓyӓsi, mӓdӓni, iqtisadi hӓm sӓwdӓ ölkӓsendӓge mönӓsӓbӓtlӓrgӓ dӓ öleş kertelӓ.