Ärdoğan “Le Point”nı mäxkämägä birde

Törkiyä ilbaşı Räcäp Tayyip Ärdoğan Franśiyädä çığuçı “Le Point” jurnalınıñ baş möxärrire Êt’yen Gernel häm publiśist Romên Gubertnı mäxkämägä birde.

Däwlät başlığınıñ advokatı Xösäyen Aydın Änkara baş prokuraturasına 11 bittän toruçı ğariza kertte. Anda franśuz jurnalınıñ 24nçe oktyabr’ sanı tışlığında Ärdoğannıñ fotoräsemen qullanıp mısqıllaw yasawı belderelä. Älege oçraq 5237 nomerlı Törkiyä cinayät’ kodeksınıñ 299nçı maddäse nigezendä cinayät’ sanala.  “Le Point” jurnalınıñ baş möxärrire Êt’yen Gernel häm publiśist Romên Gubert “İlbaşın mısqıllaw” ğayepläwe belän xökemgä tartıla ala.

Ğarizada assızıqlanğança, şöbhälelär qullanğan süzlärneñ, uzğandağı xökem qararların isäptä totıp, fiker häm süz irege qısalarında, säyäsi tartışu êçendäge ber poziśiyä bularaq bäyälänüe dä mömkin bulmayaçaq.

Däğ’wada Êt’yen Gernel häm Romên Gubert ilbaşı Ärdoğanğa qarşı yazılğan mäqalä belän anıñ namus, däräcä häm ixtiramlılığın kimsetüe belderelä häm alarğa qarata xökem prośessı açu taläp itelä.