Töreklär Franśiyädä bitlek tegä

Çit illärdäge töreklär häm tuğandaş cämğıyät’lär idaräseneñ (YTB) yärdäme belän Franśiyäneñ Strassburg şähärendä koronavirus kizüe belän köräş qısalarında bitlek häm al’yapqıç atel’yeları açıldı.

YTBdan belderülärençä, bu êş älege şähärdäge Diniyä êşläre törek İslam berlegeneñ Yunus Ämrä mäçete cämğıyäte belän bergä alıp barıla. Oyışma yärdäme belän açılğan atel’yelarda cämğıyät’täge xatın-qızlar bitlek häm al’yapqıç tegä.

Berençe êtapta 2 meñ bitlek häm 100 al’yapqıç tegü maqsatı quyıla. Alar Strassburgtağı töreklär, xastaxanälär, qartlar yortları häm başqa ixtiyacı buluçılarğa taratılaçaq.

Cirlektä, sorawçılarğa qarap, citeşterü mömkinleklären arttıru planlaştırıla.

YTB başlağan programma nigezendä, çit illärdä yäşäwçe töreklär häm törki ictimağıy oyışmalar aradaşçılığı belän moxtac ğailälärgä yärdäm yasala, kizü arqasında gigiyena kiräk-yaraqları häm azıq-tölek alırğa çığa almawçı watandaşlarnıñ teläkläre qanäğat’länderelä.

Pandemiyä waqıtında könne-töngä yalğap êşläwçe mediśina xezmätkärläreneñ küñelen dä kürälär häm alarğa törle büläklär xäzerlilär.