Törkiyä birgän stipendiyälär küñeldän küñelgä yul suza

Çit illärdäge töreklär häm tuğandaş cämğıyät’lär idaräse (YTB) räise Abdullad Ärän Törkiyä birgän stipendiyälär näticäsendä küñeldän küñelgä yul suzıluın belderde.

Oyışma citäkçelegendä başqala Änkarada 9nçı xalıqara studentlar çığarılış tantanası uzdı. Abdullah Ärän, anda çığış yasap, YTBneñ xalıqara studentlarnıñ belem aluınıñ här alanında yannarında buluın bilgeläp uzdı.

“Törkiyä bu stipendiyälärne sezdän kire qaytarunı kötep birmi. Hiçşiksez, bu stipendiyälär yärdämendä küñeldän küñelgä yul suzıla,”-dide ul.

Ärän bıyıl uquın tögällägän 2 meñ 500 student häm dön’yanıñ törle cirlärennän kilep Törkiyädä uqıp kitkän 150 meñnän artıq belgeçkä möräcäğat’ itte.

“Bez sezdän şunı sorıybız: berençedän, uqıp betergäç, ğailägez, tirä-yün’dägelär häm tuğan yağığızğa faydalı bulığız. İkençedän, Törkiyä häm ilegez arasındağı mönäsäbätlärne üsterügä öleş kertegez. Öçençedän, Törkiyäneñ dön’yaküläm ğadellek häm vöcdan köräşendä yärdämçe bulığız. Sez Törkiyäneñ sośial’ tarixında urın aldığız. Monnan soñ Törkiyä - sezneñ ikençe watanığız,”-dip söyläde YTB räise.  Çığışınnan soñ Ärän universitetlarnı yuğarı däräcäle diplom belän betergän 11 studentqa büläklär tapşırdı.

Tantana konśert häm aş mäclese belän däwam itte.