"Togg"nı ministrlar qullana başladı

Türkiyäneñ aqıllı avtomobile "Togg"nı ministrlar qullana başladı. Yustiśiyä ministrı Bäkir Bozdağ êlektrlı maşinağa utırıp berençe tapqır yörgännän soñ: “Başqa maşinalarda tawış işetäsez, tik monda ber taqış ta yuq. Çönki maşina tawışsız yöri. Qullanu bik caylı,”-dide.

Mädäniyät häm turizm ministrı Mäxmät Nuri Ärsoy da sośial’ media akkauntında “Türkiyä ğasırı” êtiketı belän "Togg"nı täwge yörtüeneñ videosın urtaqlaştı.

Ğailä häm sośial’ xezmätlär ministrı Deriya Yanık êş cire maşinası "Togg" belän berençe tapqır yuğla çıqtı. Ul ministrlıq tiräsen äylänep qayttı.

Êçke êşlär ministrı Söläyman Soylu sośial’ media akkauntındağı yazmasında bolay dide: “Türkiyäneñ inqıylabı, cirle häm milli maşinabız "Togg" ministrlığıbıznıñ inventarenda. Xıyalnı çınğa aşırğan ilbaşı Räcäp Tayyip Ärdoğanğa häm köçe kergän härkemgä räxmät”.

Milli mäğarif ministrı Mäxmüt Özär dä sośial’ mediasında "Togg"nı qullanğanda töşkän videosı belän urtaqlaştı.

Yäş’lär êşläre häm sport ministrı Mäxmät Möxärräm Kasapoğlunıñ da şundıy uq küreneşlären sośial’ platformalarda kürergä mömkin. Ul maşinanıñ qarşında qızıqsınğan başqa keşelär belän bergä fotoğa töşte.