Dön’yada 19nçı may qotlawları

Milli mäğarif ministrlığına bäyle Baqı törek mäktäplärendä 19nçı may Atatörekne iskä alu, yäş’lär häm sport bäyräme mönäsäbäte belän tantana oyıştırıldı.

Tantanada Türkiyäneñ Baqı ilçese Cahit Bağcı, xärbi attaşe general Zäkäriya Yalçın, Tön’yaq Kipr Törek Cömhüriyäteneñ Baqı wäkile Ufuk Turganär, ilçelek kiñäşçese häm xezmätkärläre, uqıtuçılar, ata-analar häm uquçılar qatnaştı.

Tulı wäqalätle ilçe Bağcı çarada yasağan çığışında bäysezlek köräşen başlatqan Gazıy Mostafa Kemal’ Atatörek häm qoral iptäşlären räxmät belän iskä aluların belderde.

Tön’yaq Kipr Törek Cömhüriyäte başqalası Lefkoşadağı Atatörek häykäle aldında däwlät tantanası oyıştırıldı.

Tantanada Tön’yaq Kipr Törek Cömhüriyäte İlbaşı Ärsin Tatar, Cömhüriyät Mäclese başlığı Zorlu Törä, Baş ministr Ünal Üstäl, Türkiyäneñ Lefkoşa ilçese Mätin Fäyzioğlu, İminlek köçläre komandirı mayor Zorlu Topaloğlu, töp oppoziśiyäçel “Cömhüriyätçe törek” partiyası ğomum başlığı Tufan Ärhürman, Lefkoşa törek şähär xakimiyäte başlığı Mäxmät Harmancı, xärbilär, ictimağıy oyışma wäkilläre häm watandaşlar qatnaştı.

Tön’yaq Kipr Törek Cömhüriyäteneñ başqa şähärlärendä dä tantanalar oyıştırıldı.

Türkiyäneñ Mäskäw ilçelegendä ütkärelgän tantanada isä Mäskäw ilçelege waqıtlı wäkile Zäynäp Gündüz, mäğarif kiñäşçese Haticä Altunok, Mäskäwdäge Yunıs Ämrä institutı koordinatorı Mäxmät Ülkär belän bergä ilçelek xezmätkärläre, uquçı yäş’lär, matbuğat wäkilläre häm küp sanda çaqırılğan qatnaştı.

Türkiyäneñ Qabul ilçelegendä dä 19nçı may Atatörekne iskä alu, yäş’lär häm sport bäyräme mönäsäbäte belän qotlaw tantanası oyıştırıldı.

İlçelek şähärçegendä oyıştırılğan tantanada Äfğanstanda êşçänlek alıp baruçı “Törek Qızılay”, Türkiyä mäğarif waqıfı, TİKA Törki xezmättäşlek häm koordinaśiya agentlığı kebek törek oyışmalarınıñ räsmiläre belän 19nçı may universitetınnan wäkillek häm 100 tiräsendä Türkiyä yuğarı uqu yortların betergän äfğannar qatnaştı.

Qırğızstan başqalası Bişkäktä Qırğız-törek Anadolu qız hönärçe liśeyında 19nçı may Atatörekne iskä alu, yäş’lär häm sport bäyräme mönäsäbäte belän qotlaw programması oyıştırıldı.

Programmada Türkiyäneñ Bişkäk ilçese Äxmät Sadık Doğan häm xäläl cefete Mariya Doğan, ilçelek kiñäşçeläre häm attaşeläre, Milli mäğarif ministrlığına bäyle Bişkäktäge mäktäplärneñ uqıtuçıları häm uquçılar qatnaştı.