Türkiyäneñ (Төркиянең) Nigerdäge tüntäreleşkä qarata belderüe
Türkiyä (Төркия) Nigerdäge tüntäreleş belän bäyle täräqqıyätlärne bik borçılıp küzätä
Türkiyä (Төркия) tışqı êşlär ministrlığı tarafınnan Nigerdäge tüntäreleşkä qağılışlı waqıyğalar belän bäyle bularaq: "Demokratik saylaw belän wazıyfa başına kilgän İlbaşı Mohamäd Bazoumnıñ xezmätennän çitläşterelüen häm böten demokratik institutlarnıñ tuñdırıluın tirän borçılu belän küzätäbez”, - dip äytelde.
Ministrlıq Nigerdä yäşängän täräqqıyätlär turında yazmaça belderü yasadı.
Belderüdä: "Nigerdä Qorallı köçlär êçendäge ber törkem tarafınnan tüntäreleş omtılışı yasalıp, demokratik saylaw belän êş başına kilgän İlbaşı Mohamäd Bazoumnıñ wazıyfasınnan çitläşterelüen häm böten demokratik institutlarnıñ tuñdırıluın tirän borçılu belän küzätäbez”, - dip äytelde.
Dus häm qardäş Nigerdä konstituśion (конституцион) tärtip belän cämğıyättäge tınıçlıqnıñ häm totrıqlılıqnıñ bozılmawı teläge citkerelgän belderüdä: "Türkiyä (Төркия) şuşı awır könendä Niger belän bergä bulırğa däwam (дәвам) itäçäk”, - dip iskärtelep uzıldı.
Nigerdä İlbaşı Bazoum citäkçelege kiçä xärbi tüntäreleş belän bärep töşerelgän häm üzlären "Watannı saqlaw milli şurası” dip atağan bertörkem ğaskäri citäkçelekne üz östenä alğan ide.