Lavrov Antaliya diplomatiya forumın maqtadı

Rusiyäneñ tışqı êşlär ministrı Sergey Lavrov Antaliya diplomatiya forumınnan soñ matbuğat oçraşuı oyıştırıp, älege forumnıñ Törkiyä ilbaşı Räcäp Tayyip Ärdoğan tarafınnan başlatılğan yaña säyäsät fäne formatı buluın belderde.

Sergey Lavrov forumda däwlät häm xökümät başlıqları däräcäsendä 100dän artıq ilneñ qatnaşuın, tışqı êşlär ministrları däräcäsendä şaqtıy qatnaşuçınıñ buluın äytep: “Bu forsattan faydalanıp, matbuğat aradaşçılığı belän törek wazıyfadaşlarıbızğa qunaqçıllıqları häm cılı qarşı aluları öçen tağın ber qat räxmät belderergä telim,” – dide.

“Rusiyä ministrı tübändägeçä däwam itte: “Forumdağı söyläşü faydalı buldı dip ışanam. Ärdoğan çığış yasağan utırışta häm qalğan panel’lärdä xalıqara cawaplılıqlarıbızğa niçek qarawıbıznı qabat küzdän kiçerü zarurlığı assızıqlandı.”