Xaqan Fidan ike yaqlı söyläşülär ütkärde

Törkiyä tışqı êşlär ministrı Xaqan Fidan 3nçe Antaliya diplomatiya forumı qısalarında ike yaqlı söyläşülär ütkärde.

Ministr Fidan Üzbäkstan tışqı êşlär ministrı Baxtiyar Saidov, Serbiya prem’yer-ministrınıñ berençe urınbasarı häm tışqı êşlär ministrı, Malayziyaneñ yuğarı belem ministrı häm Tön’yaq Makedoniya tışqı êşlär ministrı belän küreşep söyläşte.

Xaqan Fidan Fälästin tışqı êşlär ministrı Riyad äl-Maliki belän dä söyläşü ütkärde.

Törek ministrı Maliki belän söyläşüendä Törkiyäneñ Fälästingä köçle teläktäşlegeneñ däwam itäçägen citkerde.

Xaqan Fidan şulay uq Namibiyaneñ Xalıqara mönäsäbätlär häm xezmättäşlek ministrı, Kosovonıñ prem’yer-ministr urınbasarı, tışqı êşlär ministrı häm diaspora ministrı belän dä küreşte.

Ministr Fidan Senegal, Moldova, Çernogoriya häm Burkina Faso tışqı êşlär ministrları belän dä küreşep söyläşte.

Kön buyı törle utırışlarda qatnaşqan häm wazıyfadaşları belän ike yaqlı söyläşülär ütkärgän Xaqan Fidan forum qısalarında oyıştırılğan qabul itü çarasında “Tanini Trio” konśertın tıñladı, Törkiyäneñ berençe astronavtı Alpär Gäzäravcı belän söyläşü ütkärde.