İlbaşı Misır delegaśiyäsen qabul itte

Törkiyä ilbaşı Räcäp Tayyip Ärdoğan kiçä İstanbuldağı Dolmabahçä ofisında Misır tışqı êşlär ministrı Samih Şukri häm yanındağı delegaśiyäne qabul itte.

İlbaşı idaräseneñ êlemtä bülege xäbär itkänçä, oçraşuda Törkiyä - Misır mönäsäbätläre, İzrailneñ Ğazzägä höcümäre, regional’ häm global’ mäs’älälär qaraldı.

İlbaşı Ärdoğan İzrailneñ Fälästingä höcümnäre däwam itkändä kiyerenkelek häm bäreleşlärneñ töbäkkä taralu qurqınıçı barlığın belderep, töbäk tulısınça bäreleşlär çılbırına êläkmäsen öçen İzrail-İran kiyerenkelegen kimetü kiräklegen äytte, monıñ öçen İslam iläreneñ bergä êşläweneñ möhimlegen assızıqladı.

Törkiyä ilbaşı töbäktä daimi çişeleş öçen aqıllı fiker yörtep êş başqaru häm strategik ziräklek qullanunıñ ähämiyätenä basım yasadı, İzrailneñ Ğazzädäge cäber-zolımın beterü öçen iñ êlek utnı tuqtatu täêmin itü häm Ğazzägä gumanitar yärdämne özleksez kertü kiräklegen citkerde.