12nçe izgelek korabı yulğa çıqtı

Ğazzägä iltü öçen Törkiyäneñ “Qızılay” cämğıyäte citäkçelegendä äzerlängän 5 meñ 66 tonna gumanitar yärdäm töyägän 11nçe “İzgelek korabı” Märsin xalıqara portınnan kiçä quzğaldı.

İzrailneñ höcümnäre astındağı Ğazzä xalqına teläktäşlek yözennän cıyılğan yärdäm azıq-tölek, bäbäylär öçen kiräk-yaraq, yoqı qapçığı häm glyutensız rizıqlardan ğıybarät.

Korab yaqınça 2 kön däwam itäçäk yulçılıqtan soñ Ğazzägä iñ yaqın töbäk - Misırnıñ Äl-Arış portına barıp citäçäk. Biredän gumanitar yärdämne yök maşinaları belän Räfax çik buyı qapqasına iltäçäklär. Tamğaxanä prośeduralarınnan soñ ul Fälästinneñ “Qızılay” cämğıyätenä tapşırıla.