Numan Kurtulmuş Kuba Xalıq köçe milli mäclese başlığı belän oçraştı

Törkiyä Böyek Millät Mäclese başlığı Numan Kurtulmuş Kubağa räsmi säfäre qısalarında başqala Havanada Kuba Xalıq köçe milli mäclese başlığı Êsteban Laso Êrnandes belän oçraştı.

Numan Kurtulmuş üzara häm wäkilleklärara oçraşular waqıtında yasağan çığışında Törkiyä häm Kuba xalıqlarınıñ küp yaqtan oxşaş buluın äytte, aralar yıraq bulsa da ike il däwlät başlıqlarınıñ ayıruça soñğı yıllarda üzara säfärlär oyıştırıp ike yaqlı mönäsäbätlärne üsterügä yärdäm itülären assızıqladı.

Kurtulmuş Törkiyäneñ soñğı yıllarda dön’yanıñ törle poçmaqları belän tığız mönäsäbätlär urnaştıruın, törek êşmäkärläreneñ Kubağa investetśiya salırğa äzer buluların häm bu qısada Kubada êş başqaru mömkinleklärenä cälep itü öçen Kuba xökümäte häm parlamentınnan tırışlıq kötülären citkerde.

Kuba Xalıq köçe milli parlamentı başlığı Êsteban Laso Êrnandes ike yaqlı säfärlär belän parlamentara xezmättäşlekne köçäytergä teläwlären citkerde.

Törkiyä Böyek Millät Mäclese başlığı Numan Kurtulmuş Kubanıñ bäysezlek köräşeneñ äydäp baruçısı, şağıyr’ häm yazuçı Xose Marti häykälendä dä buldı.