Vaşingtonda Törkiyä-AQŞ konferenśiyäse

Törkiyä säwdä ministrı Ömär Bolat belän ênergetika häm tabiğıy çığanaqlar ministrı Alparslan Bayraktar Vaşingtonda 39nçı Törkiyä-AQŞ konferenśiyäsendä qatnaştı. İke ministr da utırışlardağı çığışlarında illär arasında säwdä äyläneşe häm xezmättäşlekne arttıru öçen zur forsat barlığın äytte.  

Ömär Bolat AQŞnıñ Törkiyägä investiśiyälärenä iğ’tibarnı cälep itte. “Axırğı 22 yılda AQŞ Törkiyägä iñ küp investiśiyä yasağan ikençe däwlät buldı. Bu çorda törek iq’tisadınıñ köçenä häm mömkinleklärenä ışanğan, 60 milliard dollardan kübräk öleş kertkän häm 110 meñnän kübräk êş urını täêmin itkän 2 meñläp AQŞlı şirkät Törkiyägä kertem yasadı”,-dip söyläde ul.  

Ênergetika häm tabiğıy çığanaqlar ministrı Alparslan Bayraktar isä qatnaşuçılarğa möräcäğat’ itep bolay dide: “Törkiyä häm AQŞnıñ xezmättäşlek itü mömkin bulğan bik küp alanı bar. Ênergiyä üzgärü - tarmaqnıñ kire qaqqısız çınbarlığına äwerelgän sayın älege alannarnıñ sanı da arta. Yañartıla aluçı ênergetika çığanaqları, kritik minerallar häm sıyıqlaştırılğan tabiğıy gaz - şular arasında. Barı üz illärebezdä genä tügel, öçençe däwlätlär häm başqa regionnarda da xezmättäşlek itä alabız”.