Körd ğailäläre Afrinğa qayta
İbrahim Xikmät balaçağın uzdırğan öygä nihayät kire qayttı häm Afrinnıñ Sinkarlı awılında yäşäwçe ğailäse belän oçraştı.
Xikmät 14 yıl êlek Liviyağa kitü öçen öydän çığıp kitte. 2011nçe yılda Süriyägä qayttı. Başta könyaqtağı Sweida şähärenä, annan soñ Xälebkä kilep urnaştı
İbrahim Xikmät, Sinkarli
Süriyä rejimınıñ kontrolendäge Xälebtä yäşäwçe
"Ğaräp yäki körd bulmasın, härkem biredäge tormış turında närsäder söyli. “Sezne uram urtasında ütererlär” kebek närsälär işetä idek. Ämma çınbarlıqta niçek bulğanın berkem belmi. Böten närsä yaxşı, êşlär ciñel. Berkem dä bezne borçımıy häm mısqıl itmi. Ägär êşlärneñ bu çaqlı yaxşı buluın belsä idem, Sweida şähärendä qalmas idem. Äfrin azat itelgännän soñ şunda uq biregä kire qaytır idem."
Marwan İbrahim Xikmätneñ niçek üsüen belä:
"Awıl balalarınıñ qaytuınnan şat buluın äytä. Keşelärsez cännät berni tügel, digän süzebez bar. Biredä yalğız qalğan idek, yegetlärneñ kübese kitkän ide. Awılıbız yäşlärennän berseneñ qaytuın işetkäç bik şat buldıq. Ğailäsenä qayttı, xäzer änise belän bergä häm cir-tufraqları belän şöğillänä. Bu bezne bäxetle itte. Minemçä, kire qaytqanı öçen bez annan tağın da kübräk bäxetle buldıq."
Bu öy distä yıllar däwamında Xikmätlärneke. Öy ayıruça Sinkarlineñ simvol qorılması.
İbrahim Xikmät, Sinkarli:
"Bu bik iske bina. Babayımnıñ öye ide. Annan êlek däw ätiyemneke ide. Awılğa qunaq kilgän çaqta biredä qalalar ide. Ayıruça tirä-yaqtağı awıllar öçen dä qunaq yortı kebek xezmät kürsätä ide. Törkiyädän, Azäzdän yäki Dimäşqtän beräwlär kilgän çaqta biredä qala ide."
Xikmätneñ änise Almaza Issa qırıq yıldır biredä yäşi.
Ulı qaytqaç öyeneñ yañadan tulı buluın xis itüen äytä.
Almaza Issa, Sinkarli:
"İrem ike yıl êlek wafat buldı. Annan soñ yalğız qaldım. Ulımnıñ qaytuın telädem, ämma ul qurqa ide. Xäzer kire qaytqanı öçen min bik bäxetle. Barıbız da şuşı öydä üstek, öyne qayğırttıq, tirä-yaqqa ağaçlar utırttıq. Balalarımnıñ kitüenä qaramastan min biredän hiç kitärgä uylamadım."
Xikmätneñ ğailäse bu mäs’älädä yalğız tügel. Başqa ğailälärdä dä kitüçelär kire qaytqan sayın töbäktä ömet cäyelä başlıy.
Obaida Hitto, Sinkarli, Süriyä:
"Afrin räsmiläre başqa körd ğailäläreneñ qaytuı öçen dä täşviq itä. Barı tik şuşı rayonda ğına distälägän keşe kire qaytıp mileklären saqlap qaldı. Kire qaytuçılar iptäşläre belän, tuğannarı belän häm kürşeläre belän qabat bergä cıyılu öçen sabırsızlanuların äytä.
Obaida Hitto, TRT World, Sinkarli, Süriyä
