Aşlıq töyälgän köymälär tikşerelgän çaqta aşlıq bäyäläre töşärgä däwam itä
Melinda Nucifora, İstanbul:
"Ukrainadan azıq-tölek produktlarınıñ cibärelüeneñ yañadan başlanuınnan soñ ike ay uzdı. Bu wazğıyät Türkiyä häm Berläşkän Millätlär Oyışmasınıñ aradaşçılığında tözelgän aşlıq kileşüe häm Berläşkän Millätlär Oyışması qarşındağı şuşı inspektorlarnıñ yök köymälären här kön tikşerüe näticäsendä tormışqa aştı."
Fikrät Ahıskalı, BMO inspektorı:
"Köymäneñ kapitanı yakor’ların salğançı köymä dokumentların Urtaq koordinaśiya üzägenä kürsätä. Bu dokumentlarda köymädä kemneñ häm nindi äyberlärneñ buluı belderelä. Bezneñ êşebez - bezgä birelgän mäğ’lümatneñ döres buluın tikşerü."
Aşlıq kileşüenä kürä, Ukrainağa kitkän yäki Ukrainadan çıqqan här köymä tikşerelä. Könenä 8 köymäne tikşerü belän wazıyfalı 4-5 keşelek törkemnärdän torğan tuplam 40 inspektor bar. Nindi dä bulsa problema bulmağan çaqta tikşerü 1 yäki 2 säğät bara. Ämma tikşereläçäk tağın da kübräk äyber bulsa, bu waqıt ozaytılırğa mömkin.
Fikrät Ahıskalı, BMO inspektorı:
"İnspektor bularaq köymädä barı tik legal’ matdälärneñ buluın täêmin itäbez. Legal’ bulmağan nindi dä bulsa ber matdä bulsa, kiräkle çaralar küräbez. Uzğan ike ay buyı Ukrainadan 270 köymä êçendä 6 million tonnadan kübräk azıq-tölek produktları cibärelde
BMO bu wazğıyätneñ xäzerdän ük global’ azıq-tölek bäyälärenä täêsir itüen belderä. BMOnıñ azıq-tölek häm igençelek oyışması aşlıq cibärelä başlanğannan birle aşlıq bäyäläreneñ töşä baruın belderä.
