تاریحچا

تۆرکیأنینگ رادیو و تلویزیون قوراماسی (ت. ر. ت) دؤولتینگ آدیندان رادیو و تلویزیون یایلیملاری برمه‌ک ماقصادی بیلن ۱۹۶۴-نجی ییلینگ ۱-نجی مای ییندا یؤریته قانون بیلن اؤزباشداق حقوقی قوراما حؤکمۆنده دؤره‌دیلدی. ت. ر. ت ۱۹۷۲-نجی ییلدا اساسی قانونا گیریزیلن اۆیتگِتمه بیلن تاراپسیز دؤولت ایقدیصادی قوراماسی حؤکمۆنده کِسگیتله‌ندی.

۱۹۸۲-نجی ییلدا قابول ادیلن اساسی قانونینگ حؤکۆملرینه لاییقلیقدا ۱۹۸۴-نجی ییلدا تۆرکیه رادیو و تلویزیون قانونی یانگاداندان چیقاریلدی. همرا آرقالی یایلیملارینگ ۱۹۸۶-نجی ییلدان سۇنگ، تۆرکیه ده یایلیم بریأن خصوصی تله یایلیملارینگ آچیلماغی ت. ر. ت نینگ ۱۹۹۰-نجی ییلا چنلی دۇوام ادن تله یایلیملارینداقی یکه تأکلیگی اۇرتادان آییردی.

۱۹۹۳-نجی ییلدا اساسی قانونینگ ۱۳۳-نجی مادداسی نینگ اۆیتگه‌دیلمه‌گی بیلن خصوصی رادیو و تلویزیونلارینا قۇیولان چأکلِندیرمه لر بس ادیلیپ، ت. ر. ت نینگ اؤزایغتیارلیلیغی یانگاداندان یۇلا قۇیولدی. ت. ر. ت شو گۆنکی گۆنده اؤزایغتیارلیعی و بی تاراپلیغی اساسی قانون تاراپیندان برکیدیلن، رادیو و تلویزیون بیلن أهلی مدیا سریشده لریندن یایلیم بریأن جمغیتچیلیک حیذماتی یایلیمچیسی حؤکمۆنده ایش آلیپ باریار.

تۆرکیه رادیو و تلویزیون قوراماسی دؤردیلمه‌زدن اۇزال ایلکینجی گِزیک "تۆرک تلسیز تلفن شرکتینه" باغلیلیقدا بریلن رادیو یایلیملاری ۱۹۶۴-نجی ییلدا ت. ر. ت نینگ چأگینده بیرله دیریلدی. ۱۹۲۷-نجی ییلینگ ۶-نجی ماییندا یایلیما باشلان ایستامبول رادیوسیندان سۇنگ، ۱۹۲۸-نجی ییلدا بریجیلری گۆیچلندیریلن آنکارا رادیوسی ۱۹۳۸-نجی ییلینگ ۸-نجی سنتیابریندا پ. ت. ت نینگ قاراماغینا دگیشلی ادیلیأر. پ. ت. ت نینگ قاراماغینا بریلمه‌گیندن سۇنگ بریجیلری گۆیچلندیریبت آنکارا رادیوسی ۱۹۳۸-نجی ییلینگ ۲۸-نجی اکتیابریندا رسمی تایدان آچیلیار. ۱۹۳۸-نجی ییلینگ اکتیابریندا یایلیملارینا آراکسمه برن ایستامبول رادیوسی ۱۹۴۹-نجی ییلینگ ۱۹-نجی نۇیابریندا یایلیما یانگاداندان باشلایار. ۲-نجی جاهان اورشونینگ تورماغیندان سۇنگ رادیولار تأزه دؤره دیلن عمومی مطبوغات مۆدیرلیگینه بیریکدیریلیأر. ۱۹۵۰-نجی ییلدا ایزمیرینگ شأهِر حأکیملیگینه تابینلیقدا یایلیما باشلان ایزمیر رادیوسی ۱۹۵۳-نجی ییلدان باشلاپ یایلیملارینی عمومی مطبوغات مۆدیرلیگینه تابینلیقدا آلیپ باردی.

۱۹۶۰-نجی ییلدان سۇنگ ۸ ولایاتدا رادیولار آچیلدی. رادیو یایلیملاری نینگ دۇلانشیغی نینگ اؤزایغتیارلی و بی تاراپ دؤولت ایقدیصادی قوراماسی حؤکمۆنده دؤره دیلمه گی باراداقی ۱۹۶۱-نجی ییلدا قابول ادیلن اساسی قانون لاییقلیقدا ۱۹۶۴-نجی ییلدا ۳۵۹ بِلگیلی قانون بیلن ت. ر. ت نینگ چأگینده دۇوام ادن رادیو یایلیملاری، بریجیلرینگ گۆیچلندیریلمه گی بیلن حاص گینگ حالق کؤپچۆلیگینه و گینگیشلیگینه یتیریلدی. ۱۹۷۴-نجی ییلدا ت. ر. ت نینگ مرکز و بؤلگه رادیولاری نینگ بیرله شدیریلمه گی بیلن ت. ر. ت ۱، ت. ر. ت ۲ و ت. ر. ت رادیو یایلیملاری آچیلدی.

تله یایلیملاری بۇلسا ۱۹۶۸-نجی ییلینگ ۳۱-نجی یانواریندا تۆرکیأنینگ ایلکینجی سیناغ تله یایلیمینی آنکارادا مدحت پاشا استودیوسیندا محمود تالی اؤنگؤرن ینگ آچیلیش چیقیشی بیلن باشلایار. هپده ده ۳ گۆن، ۳ ساغاتلیق یایلیملار بیلن باشلان سیناغ یایلیمی ۱ ییل سۇنگ هپده ده ۴ گۆنه چیقاریلدی. ۱۹۷۰-نجی ییلدا ایزمیر تلویزیونی، ۱۹۷۱-نجی ییلدا ایستامبول تلویزیونی آچیلدی.

۱۹۶۹-نجی ییلدا عألم عالیملاری نینگ آیا چیقیشی و زکی مورن ینگ آنکارادا برن کنسرتی تلویزیونلار آرقالی گؤرکِزیلدی. ۱۹۷۳-نجی ییلدا بۇلسا تۆرکیه جمهوریتی نینگ ایکینجی جمهورباشلیغی عصمت اینؤنۆنینگ جایلانیشی گؤنی یایلیم آرقالی گؤرکِزیلدی. ۱۹۷۴-نجی ییلینگ ۲۰-نجی ایول یندا باشلان قبرس پاراحاتچیلیق حرکتیندن بۆتین تۆرکیه و اوروپا ت. ر. ت نینگ یایلیملاری آرقالی حابارلی بۇلدی. تۆرکیه یوروویژن آیدیپ ساز یاریشینا ۱۹۷۵-نجی ییلدا ایلکینجی گِزِک ت. ر. ت نینگ قوراماغیندا قاتناشدی. ۱۹۷۸-نجی ییلدا ایلکینجی گِزِک سووآستی دوربین بیلن "چونگلوقداقی گچمیش" آدلی رنکلی مستند فیلم صوراتا آلیندی. ۱۹۷۹-نجی ییلدا ۵ یورتدان ۱۳۳ چاغانینگ و ۳۱ یۇلباشچی نینگ قاتناشماغیندا ایلکینجی ۲۳-نجی آپریل چاغالار فستیوالی گچیریلدی.

۱۹۷۴-نجی ییلدا تلویزیون یایلیملاری هپدأنینگ هر گۆنی بریلمأگه باشلان بۇلسا، یایلیما یوردونگ ایلاتی نینگ ۵۵ گؤتریمی تاراپیندان تۇماشا ادیلمأگه باشلاندی. تله یایلیمینگ تۆرکیه ده باشلاماغی نینگ ۱۰-نجی ییلیندا پ. ت. ت مرکزلرینده بِللیگه آلینان تلویزیون آلیجیلاری نینگ سانی ۲ میلیون ۲۵۰ مۆنگه یتدی. یوردونگ ایچیندن بریلن و داشاری یورتدان آلینان اوتغاشیقلاری، یایلیملاری، یازغیلاری و بیرلشدیریجی مونتاژ ایشلرینی عامالا آشیرما شرطلرینه ایه بۇلان یوروویژن آراقاتنالشیق مرکزی ۱۹۸۲-نجی ییلدا اولانماغا بریلیأر. بارها آرتان یایلیم ساغاتلاری بیلن بیرلیکده ۱۹۸۱-نجی ییلینگ ۳۱-نجی دکابریندا اکران رنگلِنمأگه باشلایار و ۱۹۸۴-نجی ییلدا دۇلی رنکلی یایلیما گچیریلیأر.

۱۹۸۶-نجی ییلدا تله یایلیمینگ ۲-نجی کانالی ت. ر. ت ۲ یایلیما باشلایار. ۱۹۸۷-نجی ییلدا انتل ست همراسیندان کیریه یینه، آلینان گچیریجیدن ت. ر. ت ۱ و ت. ر. ت ۲ تله یایلیملاری تۆرکیأنینگ دؤرت تاراپینا یتیریلدی. ت. ر. ت ۳ و گاپ تی وی ۱۹۸۹-نجی ییلدا یایلیما باشلایار و ت. ر. ت نینگ تله یایلیملاری نینگ سانی ۴-ه یتیریلیأر. ۱۹۹۰-نجی ییلدا بۇلسا اساسان بیلیم اۆچین حاصلانان ت. ر. ت ۴ بیلن اوروپادا یاشایان تۆرک ایشچیلری اۆچین ت. ر. ت اینت کانالی نینگ یایلیمی باشلایار. ۱۹۹۳-نجی ییلدا قفقاز و اۇرتا آسیا حاصلانان گپله شیکلر بریأن ت. ر. ت اوراسیا کانالی، ۱۹۹۵-نجی ییلدا بۇلسا تۆرکیأنینگ بیک میللت مجلیسی نینگ تلویزیون یایلیمی باشلایار.

۱۹۹۸-نجی ییلدا ایلکینجی داشاری یورت وکیلحانامیز ت. ر. ت آلمانیا- برلین وکیلحاناسی آچیلیار. شۇندان سۇنگ نۇباتی بیلن تۆرکمنیستان- آشغابات وکیلحاناسی، ۲۰۰۰-نجی ییلدا آذربایجان- باکو، مصر قاهره، بلژیک بروکسل وکیلحانالاری آچیلیار. ۲۰۰۲-نجی ییلدا داشاری یورتلارداقی ۶-نجی وکیلحانا آمریکادا واشنگتن دا، ۲۰۰۴-نجی ییلدا اؤزبگیستان داشکنت اداراسی آچیلیار.

۱۹۹۹-نجی ییلدا ت. ر. ت سایتک (اؤیجۆکلی یایلیم تکنولوژی مرکزی) دؤره دیلیپ، اینترنت صاحیپاسی www.trt.net.tr سالغیسی بیلن یایلیما باشلایار.

۲۰۰۳-نجی ییل هم قورامامیز هم ده بۆتین تۆرکیه اۆچین یاتدان چیقماجاق ییل بۇلدی. ت. ر. ت یوردومیزینگ آدیندان قاتناشان ۴۸-نجی یورویژن آیدیم ساز بأسله شیگینده سرتاپ ارتر ینگ یرینه یتیرن "Every That I can " آدلی آیدیمی بیلن بیرینجی یری ایه له دی.

داشاری یورتلاردا دا گۆیچلی یاغدایا گلن قورامامیز ۲۰۰۴-نجی ییلدا ابو (آسیا یوواش عوممان یایلیم بیله له شیگی) بیلن آسیاویژن شرطناماسینا قۇل چکیشدی.

۲۰۰۸.۱۱.۰۱ تاریحیندا تۆرکیأنینگ ایلکینجی و یکه تأک چاغالار کانالی بۇلان ت. ر. ت چۇجوق یایلیما باشلان بۇلسا، ۲۰۰۹-نجی ییلینگ باشیندا تاپاووتلی دیللرده و لهجه لرده یایلیم بریأن کانال بۇلان ت. ر. ت ۶ گۆرتچه آچیلیار. کانالینگ آدی ۲۰۱۵-نجی ییلدا ت. ر. ت کۆردی حؤکمۆنده اؤزگردیلدی.

۲۰۰۸.۱۱.۲۰-نجی آچیلان www.trtworld.com ۳۱ دیلده یایلیمی بیلن تأزه مدیا حیذمات گینگیشلیندأکی حابار بریش سریشده لری نینگ آراسیندا دۆنیأ بۇیونچا ۵-نجی اۇرونی ایه له دی. شو گۆنکی گۆنده یایلیم بریلیأن بؤلگه و بۆتین دۆیأ بیلن باغلی مؤهۆم واقالار هۆنأرمنلرینگ قاراییشلاری بیلن بیرلیکده گینگ گریملی، بی تاراپ و دۇغری ماضمون بیلن ۴۱ دیلده دۆنیأنینگ اۆنسۆنه یتیریلیأر.

بالکان دان اۇرتا آسیا، یاقین گۆن دۇغاردان قفقازا ۲۷ یورتدا و ۱۳ اؤزباشداق بؤلگه ده ۲۵۰ میلیونا قۇلای ایلاتلی بؤلگه اۆچین حاصلانیپ دؤره‌دیلن ت. ر. ت آواز ۲۱.۰۳.۲۰۰۹ تاریحیندا یایلیما باشلاپ تۆرک، آذربایجان، قازاق، قیرغیز، اؤزبک و تۆرکمن دیللریندأکی گپله شیکلری بیلن دگیشلی بؤلگه دأکی یورتلارا اۇرون بریلیأن عمومی کانالا اؤورۆلدی.

ت. ر. ت تۆرک ۰۸.۰۵.۲۰۰۹-نجی ییلدا حالقارا درجه سینده تۆرکچه حابار و. مدنیت کانالی حؤکمۆنده یایلیما باشلان بۇلسا، شۇل ییل سیناغ یایلیملارینا باشلان ت. ر. ت آنادولی بۇلسا ت. ر. ت بیلن یرلی و بؤلگه له یین یایلیملار بیله له شیگی نینگ بیله لیکده یایلیم برجک کانالی حؤکمۆنده ایشله دیلدی. ت. ر. ت آناتولی ۲۰۱۲-نجی ییلینگ اۇرازا آییندا ۲۴ ساغادینگ دۇوامیندا اۆزنۆکسیز یایلیم بریأن ت. ر. ت دیانت کانالینا اؤورۆلدی. ۲۰۰۹-نجی ییلینگ ۱۶-نجی نۇیابریندا یایلیما باشلان ت. ر. ا موزیک، اساسان تۆرک آیدیم سازلاری بیلن بیرلیکده گچمیشدن بیزینگ گۆنلریمیزه یرلی و داشاری یورت آیدیم سازلی گپله شیکلری بیلن تۆرکیأنینگ و دۆنیأنینگ آیدیم سازلارینی ت. ر. ت تاپاوودی بیلن تۇماشاچیلارا هؤدۆرله یأر.

"شایاتلیغا طایارمی؟" شیغاری بیلن ۲۰۰۹-نجی ییلینگ ۱۷-نجی اکتبریندا یایلیملارینا باشلان ت. ر. ت مستند کانالی تۆرکیأنی انگلیسچه، آلمانچا، روس و تۆرک دیللرینده بۆتین دۆنیأ تانیشدیریار.

شیله ده ۲۰۰۹-نجی ییلدا رادیو ۶، ت. ر. ت نغمه، ت. ر. ت آنکارا کنت رادیوسی، ت. ر. ت تۆرکۆ بیلن ت. ر. ت اوروپا اف ام رادیولاری یایلیما باشلایار.

ت. ر. ت اوروپانینگ و دۆنیأنینگ بللی حابارلار یایلیمی یورونیوز بیلن حیذماتداشلیق شرطناماسینی باغلاشیپ، یورونیوزینگ اساسی حیذماتلاریندان بیرینه اؤورۆلدی و یورونیوز حابارلار کانالی ۲۰۱۰-نجی ییلینگ یانواریندا تۆرکچه یایلیملارینا باشلادی.

۲۰۱۰-نجی ییلینگ ییلینگ ۳۱-نجی مارتیندا ت. ر. ت حابار کانالی یایلیما باشلان بۇلسا، عاراپ دیلینده یایلیما بریلیأن ت. ر. ت الترکیه کانالی عاراپ یورتلاریندا تۇماشا ادیلیأن اساسی یایلیم بۇلماق ماقصادی بیلن ۲۰۱۰-نجی ییلینگ ۴-نجی آپریلیندا یایلیما باشلادی.

یایلیمینگ حیلینده یتیلن اینگ یۇقاری چأک بۇلان اچ دی یایلیم بریأن ت. ر. ت HD کانالی اساسان اسپورت گپله شیکلرینی، مستند فیلملری و چپر فیلملری افیره قۇیبریأر.

۲۰۱۰-نجی ییلینگ آگوست آییندا یایلیما باشلان ت. ر. ت اسپورت کانالی میللی و حالقارا أهلی اسپورت بأسله شیکلرینی هم ده چأره لرینی گؤنی افیردن یا دا یازغیدان حالق کؤپچۆلیگی نینگ اۆنسۆنه یتیریأر، یایلیم اسپورتینگ أهلی گؤرنۆشلرینده اولی أهمیت بریأر.

۲۰۱۱-نجی ییلینگ یانوار آییندا یایلیما باشلان ت. ر. ت اۇقول بۇلسا دۆرلی یاش تۇپارلاری اۆچین حاصلانان مدنی تربیه چیلیک أهنگلی گپله شیکلری تۇماشاچیلارینگ اۆنسۆنه یتیریأر.

ت. ر. ت ۱۴ تلویزیون کانالی، ۵ سانی میللی، ۵ سانی بؤلگه له یین، ۳ سانی حالقارا و ۳ سانی یرلی رادیوسی، trt.net.tr و ۴۱ دیلده طایارلانیان trtvotworld.com آدلی وب صاحیپالاری، تله تکست یایلیمی، تله ویزیون، ت. ر. ت چۇجوق، رادیو ویزیون آدلی ژرناللاری بیلن تۆرکیأ و بۆتین دۆنیأ یایلیم بریأر.