Liviyadan yo'lga otlangan kruiz kemasi Izmir portiga kelib to'xtadi

25 yillik tanaffusdan so'ng Liviyadan qaytadan boshlangan kruiz kemalari xizmatlari doirasida Misrata shahridan jo'nab ketgan ikkinchi kema Izmir portiga to'xtadi.

Karanfil Group, Kevalay Tourism va Libyan Iron and Steel Company (LISCO) hamkorligida boshlangan ekspeditsiya doirasida kelgan "Kevalay Queen" kemasida 200 nafar yo'lovchi bo'lgan.

Shaharga kelgan yo'lovchilar savdoni jonlantirishi, Izmir va uning atrofidagi viloyatlarga turistik va tijorat ziyorat qilishlari kutilmoqda.

Bir haftalik tashrifdan so‘ng kema yakshanba oqshomida Liviyaga qaytadi. Qaytish ekspeditsiyasida Turkiyadan 40 nafar ishbilarmon ham ishtirok etishi bildirildi.,

Oy boshida boshlangan ekspeditsiyalarga qiziqish yuqori ekanligi qayd etildi.

Ikki hafta oldin Liviyadan Turkiyaga kelgan birinchi kema 3 million dollarlik to'qimachilik, oziq-ovqat, tibbiy asbob-uskunalar, ehtiyot qismlar, og'ir uskunalar, mebel, elektr-elektron asboblar va oshxona anjomlari bilan Turkiyadan Liviyaga yo'l oldi.