تی آر تی نینگ ۵۰ نچی ییل لیگی

ترکیه رادیو و تلویزیون ریاستی(تی آر تی) ۵۰ نچی ییل لیگی نی قیزغین کوتیب آلماقده.
ترکیه ده ایلک مراتبه رادیو ایشیتتریش لری نی باشله تیب یوبارگن تی آر تی, سونگگی ییل لر ده ۱۳ تلویزیون چینلی و اونلب رادیو گه ایگه.
ترکیه جمهوریتی جمهوررئیسی عبدالله گل تی آر تی نینگ ۵۰ نچی ییل لیگی مناسبتی بیلن تبریکیه پیامی ترقتدی.
گل, تی آر تی نینگ رادیو و تلویزیون نشراتی اوچون یول کورسه تیب بیریتگن لیگی نی بلدردی.
گل, یخشی محتوی گه ایگه نشرات آلیب باریتگن تی آر تی نینگ, ملی و خلق ارا مقیاس ده حاضرگی کونده جوده یخشی وضعیت ده ایکن لیگی نی معلوم قلدی.
گل, تی آر تی نینگ, ۵۰ ییل دن بیری اولکه ایچی و تشقری سیده گی ترک لر گه مسئولیتلی و کیفیتلی بیر شکل ده نشرات آلیب باریتگن لیگی گه دقت قره تدی.
ترکیه جمهوریتی باش وزیری نینگ اورین باسری بولنت آرینچ هم, اوشبو مناسبت بیلن ترقتگن پیامی ده, تی آر تی نینگ, کیفیتلی, مسئولیتلی و چاغداش نشراتی بیلن کتته موفقیت لر قول گه کریترایکن, حاضرگی کونده ۵۰ نچی ییل لیگینی قیزغین کوتیب آلیتگن لیگی نی ایسله تیب اوتدی.
آرینچ, تی آر تی نینگ سونگگی ییل لر ده گی موفقیت لری گه هم دقت قره ترایکن, "تی آر تی چاغداش ترکیه نینگ آئینه سی و فرقلی تیل لر ده گی نشرات, سوز ایرکین لیگی, سویه لیک و ایشانرلی نشرات بوییچه بیر الگو دن عبارت" دییه قید ایتدی.