اردوغان تی آر تی نینگ 60 ییللیگی مناسبتی بیلن پیام ترقه تدی

تورکیه جمهوریتی جمهوررئیسی رجب طیب اردوغان, تورکیه رادیو تلویزیونی (تی آر تی) نینگ 60 ییللیگی مناسبتی بیلن تبریک پیامی ترقه تدی. 

جمهوررئیس اردوغان, تی آر تی نینگ تجربه لری نی, مسئولیتلی و طرفسیز نشرات مفکوره سی بیلن 60 ییلدن بیری انسان لر گه تقدیم ایتیاتگن لیگینی معلوم قیلدی. 

چاغداش نشرات اوچون کیره کلی بولگن برچه امکانیت لردن موثر بیر شکلده فایده له نیاتگن تی آر تی نینگ, کوچلی و موثر بیر ساختار گه ایگه بولیب نشرات بوییچه ییتیب کیلگن سویه سی بیلن تورک خلقی نینگ خرسندچیلیگی گه سبب بولگن لیگینی معلوم قیلگن جمهوررئیس اردوغان, "دولتی نشرات بوییچه مسئولیت نی هم نظرده توتگن تی آر تی, دینامیسم و مهم تجربه سی بیلن اولکه میز نینگ ارزش لری, تاریخی, مدنیتی, کوچی و سیسی نی دنیا گه عکس ایتدیریش گه دوام ایتدیرماقده.  سپورت, موسیقی, حجتلی فلم, باله و مدنیت بوییچه برنامه لری آرقه لی برچه کانال لری بیلن الگو بولیب کیلیاتگن تی آر تی, اولکه میزده بیر مکتب صفتیده تلویزیون و رادیو ساحه سیده مهم کیشی لرنینگ ییتیشیشیده کتته رول اوینه ماقده.  تی آر تی نینگ اوشبو موفقیتلی ایشلری نی کیلگوسیده هم دوام ایتدیره دیگن لیگی گه ایشانماقده من.  اوشبو دایره ده تی آر تی نینگ برچه پرسونلی گه سلام لرینی تقدیم ایتیب تبریک بیلدیره من" دییه قید ایتدی.