آلتینچی تی آر تی حجتلی فلم ساورین لری ایگه لری گه تاپشیریلدی

آلتینچی تی آر تی حجتلی فلم ساورین لری ایگه لری گه تاپشیریلدی.
فاینل ده رقابت ایتگن ۳۴ اثر آره سیدن "ویب معتاد لری" و "طوفان" نامیده گی حجتلی فلم لر بیرینچی لیک ساورینی گه سزاوار دیب تاپیلدی.
اوشبو مناسبت بیلن استانبول ده بولیب اوتگن مراسم گه استانبول والی سی حسین آونی موتلو, تی آر تی عمومی رئیسی ابراهیم شاهین و باشقه کوپلب کیشی اشتراک ایتدی.
ابراهیم شاهین, اوشبو مراسم جریانی ده قیلگن صحبتی ده, هدف لری نینگ حجتلی فلم ساحه سی نینگ تشویق ایتیلیشی دن عبارت ایکن لیگی نی بلدررایکن, خودی منه شو ساحه گه قیزیقیش نینگ کونساین آرتیب باریتگن لیگی نی ایسله تیب اوتدی.
خلق ارا کتگوری ده, دایرکتری هیلا میدیلیا و شو شیلام دن دن عبارت "ویب معتادلیگی" نامیده گی فلم نینگ اینگ یخشی فلم اوله راق سیلنگن قید ایتیلدی.
ملی سویه ده پروفیشنل کتگوری ده فاینل ده اورین آلگن حجتلی فلم لر آره سیدن بیرینچی لیک ساورینی نی کسب ایته آله دیگن بیر فلم کورینمه دی.
خودی منه شو کتگوری نینگ اوزی ده ایککینچی لیک ساورینی نی ایسه دایرکتری محمد اوزگور جاندان دن عبارت "چالی قوشی" فلمی کسب ایتدی.
آیدین کاپانجیک نینگ دایرکتری دن عبارت طوفان فلمی ایسه ملی آماتور کتگوری سیده اینگ یخشی فلم اوله راق سیلندی.
جاری ییل ده افتخار ساورینی, تی آر تی ده اوزاق ییل لر دن بیری تصویر دایرکتری اوله راق وظیفه اجرا ایتیب کیلگن توفیق شینول گه بیریلدی.