چک جمهوریتیده تورک تیلی کنفرانسی ترتیب لندی

چک جمهوریتی نینگ پایتختی پراگده چارلش عالی بیلیم یورتی و تورکیه نینگ پراگ ایلچی لیگی, "یونس ایمره و تورک تیلی" عنوانی گه ایگه بیر کنفرانس ترتیب له دی. 

اوشبو عالی بیلیم یورتی نینگ صنعت فاکولته سیده بولیب اوتگن اوشبو کنفرانسده تورکیه نینگ پراگ ایلچی سی ایگه من بغیش معروضه قیلدی. 

ایلچی, بیرلشگن ملت لر تشکیلاتی نینگ تعلیم, بیلیم و مدنیت بولیمی (یونسکو) نینگ, تورک تیلی و مدنیتی نینگ اینگ مهم استاد لریدن بیری بولگن یونس ایمره نی وفاتی نینگ 700 ییللیگی مناسبتی بیلن میلادی 2021- ییل ایسلش لیستی گه کیریتگن لیگی نی معلوم قیلرایکن, تورکیه نینگ هم 2021- ییل نی "یونس ایمره و تورک تیلی ییلی" دیب اعلان قیلگن لیگی نی معلوم قیلدی. 

یونس ایمره نینگ شعر لری نینگ اساسی نی انسان و طبیعت سیوگیسی, یخشی نیت, قرداشلیک و تینچلیک تشکیل ایتیاتگن لیگی نی معلوم قیلگن ایلچی, اولوغ شاعر نینگ تیل, دین و عرققه قره مسدن برچه بشریت گه اهمیت بیرگن لیگی نی بیلدیردی.