آلمان ده بیر تورک یازوچی مهم ساورین لردن بیری گه سزاوار دیب تاپیلدی
اوشبو یازوچی آلدین هم خلق ارا مقیاسده کوپلب ساورین گه سزاوار دیب تاپیلگن ایدی
آلمان نینگ ادبیات ساحه سی بوییچه مهم ساورین لری دن بیری بولگن گئورگ بوشنر ساورنی نینگ جاری ییلده, تورک یازوچی امینه سیوگی اوزدامار گه بیریله دیگن لیگی بیلدیریلدی.
میلادی 1951 – ییلدن بیری آلمان تیل و شعر اکادمیسی تامانیدن آره سیده مهم شخصیت لر نینگ موجود بولگن شاعرلر, صنعتچی لر, اوینچی لر و قوشیقچی لر گه بیریلیب کیلیاتگن اوشبو ساورین, 5- نوامبر کونی دارمشتات ده بولیب اوته دیگن بیر مراسم آرقه لی اوزدامار گه تقدیم ایتیله دی.
اوزدامار اوشبو ساورین بیلن بیرگه 50 مینگ یورولیک نقدی ساورین گه هم ایگه بوله دی.
30 ییلدن آرتیق بیر مدت دن بیری رمان, حکایه و اوین لری بیلن آلمان ادبیاتی ساحه سی نی باییتگن مهم یازوچی اوزدامار نینگ آلمان تیلی و ادبیاتی نینگ اوشبو ساورین گه سزاوار دیب تاپیلگن لیگی معلوم قیلیندی.
میلادی 1946- ییل 10- آگست کونی تورکیه نینگ مالاتیا ولایتیده توغیلگن امینه سیوگی اوزدامار آلدین هم خلق ارا مقیاسده کوپلب ساورین گه سزاوار دیب تاپیلگن ایدی.