نیویورکده تورکیه کتابی تانیتیلدی

تورکیه جمهوریتی جمهوررئیسلیک علاقه باشقرمه سی تامانیدن فرقلی تیللرده تیارلنگن "تورکیه" کتابی, بیرلشگن لر تشکیلاتی آچیلیش هفته سی مناسبتی بیلن امریکا قوشمه ایالتلری نینگ نیویورک شهریده تانیتیلدی. 

نیویورک ده گی تورک اویی (Türkevi) نینگ ایشیگیده قوریلگن غرفه ده هفته دوامیده نمایش ایتیلگن دایره المعارف خصوصیتی گه ایگه اوشبو کتاب, مهمان بولیب کیلگن مهم کیشی لر گه ساوغه قیلیندی. 

12 کتاب دن تشکیل تاپگن اوشبو مجموعه ده 3 اساسی بولیم و 16 عنوانده, "تورکیه, دنیا ده تورکیه و باشقه دولت خدمت لری" کبی موضوع لر گه اورین اجره تیلگن. 

باشلنغیچ قسمیده جمهوررئیس رجب طیب اردوغان نینگ یازگن متنی و جمهوررئیسلیک علاقه باشقرمه سی نینگ باشلیغی فخرالدین آلتون نینگ مقدمه سی گه اورین اجره تیلگن کتاب, "تورکیه" آتی نینگ خلق ارا مقیاسده استفاده ایتیلیشی نینگ کینگ ترقه لیب کیتیشی گه هم حصه قوشیشی مقصدی بیلن, بیرلشگن ملتلر تشکیلاتی آچیلیش هفته سی دوامیده اردوغان نینگ اوچره شگن رهبر لر نینگ همه سی و هیئت اعضا لری گه ساوغه قیلیندی. 

محلی و خارجی مهمان لرنینگ تورکیه حقیده برچه معلومات لر نی کسب ایته آلیشی اوچون تورک و انگلیس تیللری ده ایکّی مجموعه شکلده تیارلنگن کتاب لر آره سیدن "حربی موقف گه ایگه بولمه گن ارال لر" ناملی کتاب گه, اولکه نینگ تشقی سیاستی نینگ اینگ مهم موضوع لری دن بیری ایکن لیگی سببلی, یونان و فرانسه تیل لری گه ترجمه قیلینگن شکل لری هم قوشیمچه قیلیندی. 

کتاب مجموعه سیده اورین آلگن "تورکیه نینگ افریفا بیلن دوستلیگی" ناملی کتابده ایسه, تورک ملتی نینگ افریقا خلق لری گه ییتکزیب بیرگن یاردم لری حقیده سوز یوریتیلرایکن, جمهوررئیس اردوغان باشچیلیگیده تورکیه- افریقا اورته سیده گی همکارلیک نینگ سویه سی و اهمیتی باره سیده هم بحث ایتیلدی. 

علاقه باشقرمه سی نینگ محتوا و تصویر جهتی دن موفقیت بیلن تیارله گن اوشبو مجموعه ده, "تورکیه نینگ تروریزم گه قرشی کوره شی", "بشری دیپلماسی", "تورکیه نینگ شرقی آقدینگیز استراتیژی سی" و "امنیت بیر جای بولگن تورکیه نینگ دنیا گه چقیریغی" کبی, اولکه نینگ خلق ارا کون ترتیبی و سیاستی بیلن علاقه لی کتاب لر اورین ایگلله ماقده.