روسیه لیک ژورنالیست جمهوررئیس اردوغان حقیده حجتلی فلم تیارله دی

روسیه لیک ژورنالیست و تاس خبر آژانسی باشلیغی نینگ اورینباسری میخائیل گوسمن, تورکیه جمهوریتی جمهوررئیسی رجب طیب اردوغان حقیده حجتلی فلم تیارله دی. 

اوشبو حجتلی فلم, تورکیه نینگ مسکو ایلچی خانه سیده کورسه تیلدی. 

خوددی شوو حجتلی فلم ایلچی خانه ده روسیه تشقی ایشلر وزیری اورینباسری الکساندر گروشکو, تورکیه نینگ مسکو ایلچیسی محمد سامسار, تاس خبر آژانسی نینگ باشلیغی سرگی میخائیلوف, باشقه اولکه لرنینگ دیپلماتیک نماینده لری و ژورنالیست لر تامانیدن تماشا قیلیندی. 

اوشبو حجتلی فلمده, آلدین قیلینگن مصاحبه لردن فایده له نیلیب, اردوغان نینگ باله لیگیدن باشلب حیاتی, سیاستده گی موفقیتی و رهبرلیک پیتلریده قیلگن خدمت لری توشنتیریب بیریلدی. 

خوددی شوو حجتلی فلمده, جمهوررئیس اردوغان نینگ قیسقه بیر مدت آلدین تورکیه جمهوریتی جمهوررئیسلیک علاقه باشقرمه سی تامانیدن روس تیلی گه اوگیریلگن "ینه ده عادلراق بیر دنیا ممکن" ناملی کتابی دن مهم گپ لرگه اورین اجره تیلیب اردوغان نینگ فکر لری گه دقت قره تیلدی. 

فلم نینگ کورسه تیلیشی آرتیدن بیانات بیرگن گوسمن, "جمهوررئیس اردوغان کتته بیر سیاستچی.  تورکیه بونده ی بیر رهبر گه ایگه بولگن لیگی اوچون خرسند بیر اولکه.  او فقط گینه کتته بیر سیاستچی ایمس, عینی دمده بویوک بیر شخصیت و کاریزماتیک بیر رهبر.  مدرن دنیا نی درک ایتگن جوده یوقاری سویه ده, ستراتیژیک بیر توشینچه گه ایگه بیر سیاسی تحلیلچی.  حاضرگی کونده تورکیه نینگ رهبرلیک رولی فقط گینه تورکیه ده ایمس, بلکه دنیا ده هم جوده مهم" دییه قید ایتدی. 

سونگّی 2 کونده اوشبو حجتلی فلم نینگ 2 مراتبه دولت تلویزیونی آرقه لی کورسه تیلگن لیگی و میلیونلب کیشی تامانیدن تماشا قیلینگن لیگینی بیلدیرگن گوسمن, اوز سوزلرینی, "روس تماشابین لر گه اردوغان نی کورسه تیش مهم.  افسوس که تورکیه و روسیه ده دنیا رهبر لری, حتی قوشنی اولکه لرنینگ رهبر لری نی یخشی تانیمه یدی لر.  تورکیه بیزنینگ قوشنی میز, اوزاق ییللردن بیری اورتاغی میز بولیب کیلماقده.  جمهوررئیس اردوغان اوزاق ییللردن بیری اقتدارده.  اونی کمچیلیکسیز بیر شکلده توشینتیریب بیریش مهم" شکلیده دوام ایتدیردی. 

گوسمن تورک خلقی گه کتته حرمتی بولگن لیگینی بیلدیردی.