ملا نصرالدین حقیده قیسقه معلومات

تورک مدنیتی نینگ اینگ مهم کیشی لری دن بیری ملا نصرالدین.  حقیقت دن بونده ی بیر کیشی نینگ بولگن لیگی یاکه بولمه گن لیگی بیلن علاقه لی بحث مناظره لرنینگ بار بولیشی گه قره مسدن,  اونینگ یشب اوتگن لیگی توغریسیده ایریم حجت لر موجود. اوشبو حجت لر گه قره گنده ملا نصرالدین تورکیه نینگ ایسکی شهر ولایتی سیوری حصار تومنی هورتو قیشلاغیده دنیا گه کیلگن.  معلوم بیر مدت تعلیم آلیشی آرتیدن اوشه دور نینگ تصوف بوییچه مرکزی دن عبارت بولگن آق شهر گه باریب دولت اداره لریده ایشله گن.  میلادی 1284- ییلده آق شهر ده وفات ایتگن ملا نصرالدین حاضرگی کونده قبری بولگن جای نینگ اوزیده دفن ایتیلگن.  وفات ایتیشی آرتیدن اونینگ حکایه لری خوددی شوو عصر نینگ اوزیده کینگ ترقه له باشلرایکن, اوشبو حکایه لرنینگ سانی ایسه عصر لر دوامیده آرتیب کیلگن. 

بیر خلق فیلسوفی بولگن ملا نصرالدین, تورک دنیا سیده بیلینماقده و یخشی کوریلماقده.  آذربایجانده ملا نصرالدین, قزاقستانده کوجه نصرالدین و اوزبیکستانده ایسه نصرالدین افندی دیب بیلینماقده.  ملا نصرالدین حکایه لری و فکاهی لری تورک خلق لری دن تشقری عرب لر, بلغاریالیک لر, چین لیک لر, ایران لیک لر, هنگری لیک لر و روس لر کبی فرقلی جمعیت لر ده هم موجود. ملا نصرالدین حکایه لری اوشه جمعیت لرنینگ محلی قهرمان لری نینگ حکایه لری بیلن قوشیلیب قالگن.  یونسکو نینگ قراری بیلن میلادی 1996- ییل دنیاده ملا نصرالدین ییلی دیب قیزغین کوتیب آلیندی. 

ملا نصرالدین نینگ یازیلگن اینگ قدیمی حکایه سی میلادی 1480- ییلده اناطولی داستان لریدن بیری بولگن سالتوقنامه ده کورینگن.  لیوند سولوویوف نینگ ایلک بولیمی میلادی 1940- ییلده باسیلیب چیققن ایکّی جلدلیک اثری, ملا نصرالدین نینگ رمان طرزیده توشینتیریلیب بیریلگن و اورته آسیالیک بیر کیشی اوله راق توشینیریلگن بیر اثر دن عبارت.  خوددی شوو کتاب نینگ توپلمده 1 یریم میلیون جلدی ساتیلگن.  اوشبو کتاب هنگری, صرب, آلمان و یونان تیللری کبی فرقلی تیللر گه اوگیریلگن. 

ملا نصرالدین حقیده گپیررایکن, اونینگ سوز لری دن بیر نیچه جمله گه اورین اجره تیش کیره ک البته که. 

ملا نصرالدین گه دنیا نینگ مرکزی قییرده دیگن سئوال بیریلگنده, "منه شوو قولیمده گی تیاق نینگ اوچی نینگ ییرگه تیککن جایده" دیب جواب قیتیریب, "ایشانمه سنگیز باریب اولچه ب کیلینگ" دیگن ایکن.