გუშინ თურქეთის ტელე-რადიო მაუწყებლობის 60 წლის იუბილე აღნიშნა

თურქეთის ვიზუალური და აუდიო მეხსიერების, თურქეთის ტელე-რადიო მაუწყებლობის ორგანიზაციამ (TRT) დაარსებიდან 60 წლის იუბილე სპეციალური პროგრამით აღნიშნა.

TRT-ს გენერალური დირექტორის, მეჰმეთ ზაჰიდ სობაჯის მასპინძლობით დედაქალაქ ანკარაში გამართულ ღონისძიებას, კომუნიკაციების დირექტორატის ხელმძღვანელი ფაჰრეთინ ალთუნი, TRT-ის ცნობილი სახეები და მრავალი სტუმარი დაესწრო.

კომუნიკაციების დირექტორმა ალთუნმა განაცხადა, რომ TRT არის თურქული კომუნიკაციის მოდელის ყველაზე მნიშვნელოვანი წარმომადგენელი.

მან აღნიშნა, რომ TRT დროულად და სათანადოდ ზუსტ ინფორმაციას აწვდის საერთაშორისო საზოგადოებას თითქმის ყველა საკითხზე, რომელსაც დასავლური მედია ორგანოები ფარავენ ან უგულებელყოფენ.

„TRT-მ განახორციელა კომპეტენტური ინტერნაციონალიზაციისა და დიგიტალიზაციის პროცესი. ‘ინტერნაციონალიზაცია და დიგიტალიზაცია’. ჩემი აზრით, ეს ორი კონცეფცია არის ორი მნიშვნელოვანი კონცეფცია, რომელმაც კვალი დატოვა TRT-ს ბოლო პერიოდში. TRT, TRT World-ის თაოსნობით, გასულ კვირას გახსნილი ციფრული საინფორმაციო პლატფორმა TRT ესპანურის, ასევე TRT არაბულის, TRT რუსულის, TRT აფრიკის, TRT ბალკანეთის, TRT ფრანგულის ჩათვლით, არის  41 ენაზე და დიალექტზე მაუწყებელი გლობალური მედია ბრენდი“. - აღნიშნა ალთუნმა.

TRT-ს გენერალურმა დირექტორმა მეჰმედ ზაჰიდ სობაჯიმ ასევე განაცხადა, რომ TRT, როგორც თურქეთის საუკუნის ხედვის წარმომადგენელი, „მსოფლიოს უხსნის მსოფლიოს სამართლიანი მნახველის საშუალებით“.

მან აღნიშნა, რომ, როგორც თურქეთის საზოგადოებრივი მაუწყებელი, ისინი თავიანთი მაუწყებლობით სხვადასხვა ენაზე და დიალექტზე გადასცემენ ქვეყნის ხედვასა და ნებას 7 კონტინენტზე და დაამატა: „ამ კონტექსტში, როგორც „თურქეთის საუკუნის“ ხედვის წარმომადგენელი მაუწყებლობაში, ჩვენ აღარ ვუყვებით თურქეთს მსოფლიოს და მსოფლიოს თურქეთს, არამედ ვუყვებით მსოფლიოს მსოფლიოზე სამართლიანი ხედვის საშუალებით. ჩვენ ვცდილობთ შევხედოთ მთელ მსოფლიოს სამართლიანი ხედვის საშუალებით და არა ფილტრებით, ხალხის ცენტრში მოთავსებით. ჩვენ მთელი ძალით ვმუშაობთ, რათა უზრუნველვყოთ სიტყვის უფლების თანაბარი განაწილება“.

სობაჯიმ განაცხადა, რომ მათ TRT-ს არხებით გამორჩეული სამუშაოები ჩაატარეს და TRT დღეს გახდა ერთ-ერთი ყველაზე მნიშვნელოვანი და პატივსაცემი სამაუწყებლო ორგანიზაცია.