پرزیدنت علییئو فضولی و خوجاونده گئتدی
"بو تورپاقلارا قاییتدیق. قهرمان و مظفر گلن خالق اولاراق قاییتدیق و دشمنی تورپاقلاریمیزدان قوودوق"
آذربایجان پرزیدنتی ایلهام علییئو ارمنیستانین ایشغالیندان قورتاریلان فضولی و خوجاوند ولایتلرینه گئتدی.
علییئوین حیات یولداشی مهربان علییئوانین اینستاگرام حسابیندان پایلاشدیغی گؤرونتولرده، پرزیدنت علییئوین اؤزونون سوردوگو ماشین ایله یولا چیخدیقلاری گؤرونور.
ایلهام علییئو، گؤرنتولرده، یول بویو داغیلمیش وضعیتدهکی یاشاییش منطقهلرینی گؤستررک، بوتون کندلرین ارمنیستان قوهلری طرفیندن ییخیلدیغینی سؤیلهدی.
یاشاییش منطقهلرینین بیرینده دوران علییئو، ایشغالدان قورتاریلان بؤلگهلرده یئنیدن قورما ایشلرینه باشلادیغینی، یئنی یوللار چکدیکلرینی بیلدیردی.
علییئو، خاین دوشمهنین ایشغال دؤورونده آذربایجانین تاریخی میراثینی یوخ ائتمک ایستهدیگینی بیلدیررک،.
"آنجاق بونو ائدهبیلمهدیلر. بو تورپاقلارا قاییتدیق. قهرمان و مظفر گلن خالق اولاراق قاییتدیق و دشمنی تورپاقلاریمیزدان قوودوق" دئدی.
یولچولوغونا داوام ائدن علییئو، ارمنیستانی دستکلهیهن خاریجی چئورهلرین، اونلارین آذربایجان تورپاقلاریندا ائتدیگی وحشیلیکلری گؤرمهسی لازیم اولدوغونو سؤیلهدی.
علییئو یول بویو خوجاوندین کندلرینده دوراراق آراشدیرمالار آپاردی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک