پاپا یاخین شرقده
سوریهلی سیغینماجیلارلا دا گؤروشن فرانسیس بو گون فیلیسطینه کئچمهسی گؤزلنیلیر
کاتولیک عالمینین روحانی لیدری پاپا فرانسیس یاخین شرق تورونا دونن اوردون ایله باشلادی.
پاپا، باشکند عماندا کرال عبدالله طرفیندن رسمی مراسیمله قارشیلاندی.
عبدالله، کرال حسین ساراییندا تشکیل ائدیلن مراسیمده ائتدیگی دانیشمادا، خریستیانلیق و مسلمانلیق آراسینداکی دیالوقون گلیشمهسی لازیم اولدوغونو ایفاده ائدهرک، فرقلی دینلرین بیرلیکده یاشاماسینین اهمیتینه توخوندو.
پاپا فرانسیس دا، سفرینین ایکی دین آراسینداکی باغلاری داها چوخ گوچلندیرمسینی اومید ائتدیگینی سؤیلهدی.
قارشیلاما مراسیمین آردیندان پاپا فرانسیس و کرال عبدالله، بیر آرایا گلدی.
موصاحیبهنین آردیندان عمان ایستادیومونا کئچن پاپانی دونیانین دؤرد بیر طرفیندن گلن 30 مینه یاخین اینسان قارشیلادی.
پاپانین خالقی سلاملاماسینین آردیندان دعا و ایلاهیلر اوخوندو.
پاپا فرانسیس بورادا خصوصی اولاراق قورولموش ساحهیه کئچهرک آیینی ایداره ائتدی.
پاپا داها سونرا، حصرتی عیسینین دوغوموندان سونرا وافتیز ائدیلدیگینه اینانیلان، خریستیانلار اوچون جج مکانلاریندان قبول ائدیلن اوردون چایی کنارینداکی واتفیز سیتهسین ده زیارت ائتدی.
پروقرامی چرچیوهسینده، سوریهلی سیغینماجیلارلا دا گؤروشن فرانسیس، بو گون سفرین ایکینجی دایاناجاغی اولان فیلیسطینه کئچمهسی گؤزلنیلیر.