بارزانیدن مالیکییه آیریلیق تهدیدی
عراق بؤلگهسل یؤنهدیم باشقانی، عراق باشباخانی مالیکینین اوچونجو دؤنم ده بو گؤرهوی اوستلنمهسی دوروموندا عراقدان آیریلماق اوچون رفراندوما گئتمکله تهدید ائتدی
عراق بؤلگهسل یؤنهدیم باشقانی مسعود بارزانی، عراق باشباخانی مالیکینین اوچونجو دؤنم ده بو گؤرهوی اوستلنمهسی دوروموندا عراقدان آیریلماق اوچون رفراندوما گئتمکله تهدید ائتدی.
بارزانینین پارتیسیندان وئریلن یازیلی آچیقلامایا گؤره، بارزانی، "مالیکی اوچونجو دفعه ده باشباخان اولسا، بؤلگهده خالق رفراندومونا گئدیلهجک و بغدادلا ایلیشکیلریمیزه یئنی فورمول تاپاجاییق" دئدی.
کوردلرین، مالیکینین باشقانلیق ائتدیگی بیر حکومتین اورتاغی اولماغی قبول ائتمهیهجیینی ایفاده ائدن بارزانی، چئشیدلی طرفلرله عراق حکومتینه باشقانلیق ائدهجک گئرچک اورتاق تاپماق اوچون الیندن گلهنی ائدجیینی ایفاده ائتدی.
عراق پارلامنتی سئچیملرینده متحدون بلوکو ۲۳، شیعه کوالیسیونو ۲۹، وطنیه بلوکو ۲۱ کورسو قازانارکن، مالیکینین لیدئری اولدوغو قانون دؤولتی کوالیسیونو ۹۳ کورسو الده ائتمیشدی.
عراق یوکسک سئچیم کومیسیونونون آچیقلادیغی کسین نتیجهلره گؤره، هئچ بیر پارتی حکومتی تک باشینا قوراجاق اکثریتی تامین ائدهبیلمهمیشدی.
حکومتی قورماق اوچون پارلامنتده ۱٦٥ کورسویه صاحب اولماق لازیمدیر. مالیکینین، کوالیسیون حکومتی قوراجاغی ایفاده ائدیلیر.