پاکیستان طالبانی بؤلوندو
پاکیستان طالبان حرکتی‌نین اؤنم‌لی قیسیمینی اولوشدوران محسود قبیله‌سی قروپو، طالبان‌دان باغیمسیز‌لیغینی اعلان ائتدی
پاکیستان طالبان حرکتی‌نین اؤنم‌لی قیسیمینی اولوشدوران محسود قبیله‌سی قروپو، طالبان‌دان باغیمسیز‌لیغینی اعلان ائتدی.
محسود قبیله‌سی سؤزچوسو اعظم طارق، قروپونون خالد محسود لیدئرلیگینده پاکیستان طالبانی حرکتین‌دن آیریلدیغینی بیلدیردی. طالبانین لیدئری حکیم الله مسعودون اؤلومون‌دن سونرا هؤرگوتون یانلیش اللره گئچدیگینی وورغولایان طارق، هؤرگوتون خراج توپلاما کیمی یانلیش یول‌لارا گیردیگینی، اؤزلری‌نین بون‌لاری دوزلتمک اوچون گؤستردیگی چابا‌لارین بوشا گئتدیگینی سؤیله‌دی. طارق، بوندان سونرا قروپون "ظالم‌لارین ظلمونه" قارشی مباریزه ائدجیینی آچیقلادی.
پاکیستان طالبانی لیدئری حکیم الله مسعود، گئچن ایل ۱ نوامبردا آمریکا طرفین‌دن تشکیل ائدیلن اینسان‌سیز هاوا آراجی سالدیریسی نتیجه‌سینده اؤلدورولموشدو. مسعودون اؤلومونون آردین‌دان طالبان شوراسی، هؤرگوتون باشینا یئنی لیدئر اولا‌راق مسعودون قبیله‌سینه منسوب اولمایان ملا فضل اللاهی سئچمیشدی.
