کویتین امیری صاباح احمد جابر ایرانا گئتدی
کویت امیری جابر، پرزیدنت روحانی و ایرانین دینی لیدری آیت الله علی خامنهای ایله گؤروشهجک
سوریهدکی ایچ ساواشی سببیله گرگینلشن کؤرفز اؤلکهلری ایله ایران آراسینداکی علاقهلرده باهار هاواسی اسیر.
سعودی عربیستانینین ایران ایله مذاکیرهیه حاضیر اولدوغونو آچیقلاماسیندن سونرا، بیر دیگر کؤرفز اؤلکهسی کویتین امیری صاباح احمد جابر ایرانا گئتدی.
وظیفهیه گلدیگی 2006-جی ایلدن بری ایلک دفعه ایرانا گئدن کویت امیرینه 5 ناظیری ده یولداشلیق ائدیر.
سفر، ایراندا 3 آوقوست 2013ده پرزیدنت وظیفهسینی گؤتورن حسن روحانینین کؤرفز اؤلکهلرینه ایستیقامتلی مولاییم مئساژلار وئرمهسینین آردیندان گلدی.
روحانینین بو حملهسی، ایرانین سوریهده بیر چوخ قیرغینا ایمضا آتان اسد رژیمینه وئردیگی دستهیه گؤره، گرگینلشن علاقهلری یومشالدما آددیمی اولاراق یوروملانیر.
کویت امیری جابر، پرزیدنت روحانی و ایرانین دینی لیدری آیت الله علی خامنهای ایله گؤروشهجک.
گؤروشمهلرده ایکیطرفلی علاقهلرین یانیندا بؤلگه سل موضوعلارین دا گوندمه گلهجگی بیلدیریلیر.
کویت طرفی، ایران ایله سعودی عربیستان آراسینداکی پروبلملرین حلّ ائدیلمهسی اوچون واسیطهچی اولا بیلهجکلرینی آچیقلامیشدی.
سعودی عربیستانی خاریجی ایشلر ناظیری سود فایسال، ایرانلی همکارینی اؤلکهسینه دعوت ائتدیگینی آچیقلامیش و ایران دا بو چاغیریشا مثبت جواب وئرمیشدی.