قارشیلیقلی آتیش داوام ائدیر
ایسراییل ساواش اوچاق‌لاری‌نین غزهنین قوزئیین‌ده‌کی بیر ائوه تشکیل ائتدیگی هاوا سالدیریسیندا عینی عائله‌دن ۷ نفر اؤلدو
ایسراییل ساواش اوچاق‌لاری‌نین غزهنین قوزئیین‌ده‌کی بیر ائوه تشکیل ائتدیگی هاوا سالدیریسیندا عینی عائله‌دن ۷ نفر اؤلدو. اؤلن‌لردن ایکی‌سی اوشاق.
ایسراییلین سالدیری‌لاریندا اؤلن فلسطین‌لی‌لرین ساییسی ۱۳۰ نفره یوکسلدی. اسلامی جهاد حرکاتی‌نین سلاح‌لی قانادی قدس توغایلاری‌نین اؤنده گلن قوموتان‌لارین‌دان حافظ حماد، غزهنین قوزئیین‌ده اولان ائوینه ایسرایل اوردو بیرلیک‌لری‌نین تشکیل ائتدیگی سالدیریدا حیاتینی ایتیردی.
اؤته یاندان، حماسین حربی قانادی عزالدین القسام توغایلاری، ایسراییلین غزه‌ده عملیات باشلاتماسی سببیله تل‌آویو، قدس و حیفایا یئنی موشک سالدیریسی باشلاتدیق‌لارینی آچیقلادی. ایسراییل اوردوسو ایسه ٤۰ مین یدک عسگری وظیفه‌یه چاغیردی.
عرب بیرلیگی، بیرلشمیش میللت‌لر تشکیلاتی امنیت شوراسینی، ایسراییل سالدیریلاری‌نین قارشی‌سی‌نین آلینماسی اوچون عاجل توپلانتییا چاغیردی. بیرلشمیش میللت‌لر ده غزه‌ده‌کی وضعیت‌دن قایغیلی اولدوغونو آچیقلادی. آغ ائو ایسه، "ایسراییله قارشی داوام ائدن راکت سالدیری‌لارینی قوتله قینادیق‌لارینی" آچیقلادی.
