ایسرائیلدن تورکیهیه سیاحت هشداری
ایسرائیل اوردوسو، 7 ژوئیهده "قورویوجو خط" آدییلا غزهیه باشلاتدیغی سالدیریلارین آردیندان، جمعه آخشامی دا زمینی سالدیریسینا باشلامیشدی
ایسرائیلدن تورکیهیه سیاحت هشداری
ایسرائیل خاریجی ایشلر ناظرلیگی، وطنداشلارینا "مجبوری اولمایان وضعیتلر" خاریجینده تورکیهیه سیاحت ائتممک اویاریسینی ائتدی.
ناظیرلیگین اینترنت سایتیندا یئر آلان خبردارلیغا سبب اولاراق؛ "غزهیه تشکیل ائدیلن 'قورویوجو خط عملیاتینا قارشی تورک خالقینین تشکیل ائتدیگی اعتراض گؤستریلرینین میدانا گتیردیگی وضعیت" گؤستریلدی.
ناظیرلیک، تورکیهیه سیاحت ائدیلمهسی وضعیتینده "دقتلی اولونماسی و ایسرائیل علیهداری اعتراضلارین اولدوغو یئرلردن اوزاق دایانیلماسی" خبردارلیغینی ائتدی.
ایسرائیل خاریجی ایشلر ناظیرلیگی جمعه گونو ائتدیگی باشقا بیر آچیقلامادا، تورکیهدکی نمایندهلیک امکداشلاری ایله عائلهلرینین اؤلکهنی ترک ائتمهلرینی ایستدیکلرینی و آنکارا ایله دیپلوماتیک علاقهلرین سویهسینی دوشورهجکلرینی آچیقلامیشدی.
ایسرائیل اوردوسو، 7 ژوئیهده "قورویوجو خط" آدییلا غزهیه باشلاتدیغی سالدیریلارین آردیندان، جمعه آخشامی دا زمینی سالدیریسینا باشلامیشدی.
غزهده چوخو وطنداشلارا عایید میندن چوخ یاشاییش یئری ووران ایسرائیل اوردوسوسونون سالدیرلاریندا، آراسیندا چوخ سایدا اوشاق و قادینین دا اولدوغو سیویل اؤلو سایسی هر کئچن گون آرتیر.