روسیادان قالخان جت‌لر داعشی ووردو
عراق ایله ایران هاوا ساحه‌سین‌دن گئچن اوچاق‌لار، داعش منسوب‌لاری‌نین اداری نقطه‌لری، سلاح و مهمات آنبارلارینی ووردو
روسیا ساوونما باخانلیغی، روسیادان هاوا‌لانان 6 تی‌یو-22 اوزون منزیل‌لی بمباردمان اوچاغی‌نین سوریه‌نین دیر الزور شهرین‌دکی ترور هؤرگوتو داعش هدف‌لرینی ووردوغونو بیلدیردی.
شرحده،
"23 ژانویه‌ده روسیا‌داکی مرکزلردن هاوا‌لانان و عراق ایله ایران هاوا ساحه‌سین‌دن گئچن تی‌یو-22 اوچاق‌لاری، دیر الزور شهرینده فعالیت گؤسترن داعش منسوب‌لاری‌نین اداری نقطه‌لری، سلاح و مهمات آنبارلارینی ووردو" دئییلدی.
بوتون هدف‌لرین باشاری ایله یوخ ائدیلدیگینی ایفاده ائدن باخانلیق، تعیین اولونان هدف‌لرین یوخ ائدیلدیگی‌نین اونایلاندیغینی وورغولادی.
اس‌یو-30 و اس‌یو-35 ساواش اوچاقلاری‌نین تی‌یو-22 بومباردمان اوچاقلارینا ائشلیک ائده‌رک هاوا قوروماسی تامین ائتدیگینی بیلدیرن باخانلیق، روس جت‌لری‌نین سوریه‌دکی وظیفه‌لرینی تاماملادیق‌دان سونرا روسیا‌داکی مرکزلرینه گئری دؤندوگونو بیلدیردی.
آنجاق بو هاوا عملیات‌لاری داعشین ایره‌لیلمه‌سینی دوردورماغا یئتمه‌دی.
شهر مرکزی ایله هاواآلانی آراسین‌داکی باغلانتی کسیلدی، دیر الزوردا ایسه 90 مین‌دن چوخ وطنداش، قیدا و ایچمه‌لی سو چتین‌لیگی چئکیر.
دمشقین دوغو گوتا و جوبار بؤلگه‌لری ایله حماه و حلب اطرافیندا آتیشکس پوزونتولاری دا داوام ائدیر.
