ایسراییلین ساواش اوچاغی وورولدو
"ایران سالدیریسینی و سوریهنین وئردیگی قارشیلیغی ایسراییلین اگمنلیگینین شدتلی بیر پوزولماسی اولاراق گؤروروک"
ایسراییل اوردوسو، سوریهده اولان "ایران هدفلرینه" سالدیری تشکیل ائدرکن جتلرینین اوچاقسووار آتیشی ایله هدف آلیندیغینی و بیر اف-۱۶نین دوشدویونو آچیقلادی.
ایسراییل اوردوسوندان وئریلن یازیلی آچیقلامادا،
"سوریهدن قالخان ایران مالی بیر اینسانسیز هاوا آراجی، ایسراییل تورپاقلارینا گیرمک ایستیرکن اوردو طرفیندن دوشورولدو. بونا قارشیلیق ساواش اوچاقلاریمیز، سوریهدهکی بعضی ایران هدفلرینی ووردو. سالدیری زامانی اوچاقسووارلار ایسراییل اوچاقلارینی هدف آلدی. جتلریمیزدن بیری دوشدو" ایفادهلرینه یئر وئریلدی.
دوشن اوچاقداکی پیلوتلارین اوچاقدان آتیلاراق ایسراییل تورپاقلارینا ائندیگی و خستهخانایا نقل آپاریلدیغی بیلدیریلن آچیقلامادا، حادثهنین آراشدیریلدیغی قید ائدیلرک،
"ایران سالدیریسینی و سوریهنین وئردیگی قارشیلیغی ایسراییلین اگمنلیگینین شدتلی بیر پوزولماسی کیمی گؤروروک. ایسراییل اوردوسو حادثهلری ایزلهییر، دگرلندیرمه و ضرورتلره گؤره بوتون حرکتلره حاضر" دئییلدی.