اسد رژیمی شرق غوطه‌نی یئنه شیمیایی سیلاحلا ووردو
اسد رژیمی، محاصیره آلتیندا ساخلادیغی شرقی غوطه‌نین دوما منطقه‌سینه زهرلی گاز ترکیب‌لی شیمیایی سیلاح سالدیریسی تشکیل ائتدی. سالدیریدا 40 سیویل وطنداش اؤلدو
اسد رژیمی شرق غوطه‌نی یئنه شیمیایی سیلاحلا ووردو
شرق غوطه‌دکی سیویل ساوونما (آغ بؤرکلولر) اکیپ‌لری‌نین سوسیال مئدیا حساب‌لاریندا پایلاشدیغی معلوماتا گؤره، اسد رژیمی‌نین، شرقی غوطه‌ده موخالیف‌لرین کونترولون‌داکی سون نقطه اولان دوما منطقه‌سینده سیویل محلّلره ائتدیگی شیمیایی سیلاح سالدیریسیندا 40 وطنداش اؤلدو، یوزلرله وطنداش گازدان تأثیرلندی.
اؤلو ساییسی‌نین آرتماسین‌دان ناراحات‌لیق ائدیلیر.
دومایا دونن یئنی‌دن چوخلو سالدیری باشلایان رژیم گوج‌لری، 19 مارسدا دا بورایا کلور ترکیب‌لی شیمیایی سالدیری تشکیل ائتمیشدی.
دیگر طرف‌دن اینسان حاق‌لاری آغی (SNHR)، 4 آوریل تاریخینده یاییملادیغی راپوردا، بشار اسد رژیمی‌نین سوریه‌ده ایچ ساواش‌سی‌نین باشلاماسین‌دان بو یانا 214، (4 آوریل 2017) خان شیخ‌ین قتل عامین‌دان سونرا دا 11 دفعه شیمیایی سیلاح سالدیریسی ائتدیگینی بیلدیرمیشدی.
شرق غوطه‌ده سالدیری‌لار یئنی‌دن باشلاییب
10 سوال‌دا شرق غوطه‌ده نلر باش وئریر؟
تخلیه‌لر دایاندی، سالدیری‌لار یئنی‌دن چوخا‌لدی
روسیانین گارانتؤرلوکونده آپاریلان دانیشیق‌لار نتیجه‌سینده الده ائدیلن راضی‌لاشماقلا 22 مارسدا شرق غوطه‌دن مجبوری تخلیه‌لر باشلامیشدی.
شرق غوطه‌نین عربین، زملکا و عین ترما یاشاییشلاریندان تخلیه لر آپاریلمیش، دوما مسئله‌سینده ایسه راضی‌لیق الده اولونمادی.
بؤلگه‌ده حاکم نیظامی موخالیف قروپ‌لاردان جیش الایسلام و روسیا آراسیندا موذاکیره‌لر داوام ائدرکن، 2 آوریلده دوما‌دان دا تخلیه‌لر باشلامیش، 5 مین جیواریندا سیویل، سوریه‌نین شمالیندا موخالیف‌لرین کونترولون‌داکی بؤلگه‌لره گؤندریلمیشدی.
دومایا سالدیری‌لار دا بؤیوک میقداردا دایانمیشدی.
یئرلی منبع‌لردن آلینان معلوماتدا، هاوا سالدیری‌لاری‌نین یئنی‌دن باشلانماسی‌نین سببی اولا‌راق، دومانین دا آتشکس و تخلیه پروسسینه داخیل ائتمه‌سینی ایسته‌ین جیش الایسلام ایله روسیا آراسیندا راضیلاشمایا گلممه‌سی گؤستریلیر.
تخمینن 7 کیلومتر مربعلیک دومادا حاضیردا 100 مین نفر بلوکادا شرایطینده یاشاییر
