"باریشین کلمه آنلامینی بیلمیرلر"
ساواشین اولین‌دن بری ۷ مین‌دن چوخ اوشاق چاتیشمالاردا حیاتینی ایتیردی
سوریه‌ده ایچ ساواشین باشلادیغی ۲۰۱۱دن بو یانا ۷ مین‌دن چوخ اوشاق، چاتیشمالاردا حیاتینی ایتیردی یا دا یارالانیب معلول اولدو.
بیرلشمیش میلتلر تشکیلاتی باش کاتیبینین سلاحلی چاتیشمالاردا اوشاقلار قونوسون‌داکی اؤزل نماینده‌سی ویرجینیا گامبا، سوریه‌ده‌کی انسانی دوروما دایر امنیت شوراسینی بیلگیلندیریرکن، ساواشین اؤلدورولن، شیکست ائدیله‌ن، ساواشچی کیمی ایستیفاده ائدیله‌ن، جین‌سی استثمارا معروض قالان اوشاقلار اوزرین‌ده‌کی آغلا سیغماز تاثیرلرینه دقت چکدی.
بیرلشمیش میلتلرین بو ایلین اولین‌دن بو یانا مین ۲۰۰دن چوخ اوشاق حاقلاری پوزونتوسو موشاهیده اولوندوغونو، ۶۰۰دن چوخ اوشاغین اؤلدورولدویونو یا دا شیکست ائدیلدیگینی ایفاده ائد‌ن گامبا،
سوریه‌ده ساواشین اولین‌دن بری ۷ مین‌دن چوخ اوشاق چاتیشمالاردا حیاتینی ایتیردی، یارانلاندی و یا شیکست اولدو اما بو ساده‌جه تایید ائتدییمیز رقم، سایینین ۲۰ مین‌دن چوخ اولدوغونو یانسیدان دوغرولایاممادیغیمیز رقملر ده وار" دئدی.
گامبا، سوریه‌ده ساواشین ایچین‌ده دوغولان اوشاقلارین باریشین معناسینی بئله بیلمه‌دیکلرینی سؤزلرینه علاوه ائتدی.
دیگر طرف‌دن، ۱۵ عضولو امنیت شوراسین‌داکی اولکه‌لرین چوخو، سوریه‌ده بیر سونراکی چاتیشما بؤلگه‌سینین، داها اول بیر چوخ دفعه یئرین‌دن ائدیله‌ن تخمیناً ۳ میلیون وطنداشین یاشادیغی ادلب اولماسین‌دان درین قایغی دویدوقلارینی دیله گتیردی، تهلوکه‌سیز و مانعسیز انسانی یاردیملارا یول وئریلمه‌سی چاغیریشی ائتدی.
