ایران مطبوعاتی: تورکیه ایله آمریکا تحریملرینه قارشی امکداشلیق ائدیلسین
ایراندا درج اولونان قزئتلر، پرزیدنت اردوغانین آمرکا تحریملری قارشیسیندا اورتایا قویدوغو اعتراض ایله تورکیه و ایران آراسیندا ایش بیرلیگینی عکس ائتدیرن خبرلری ایلک صحیفهلرینه داشیدی
ایران مطبوعاتی، تورکیه و ایرانین آمریکا تحریملرینه قارشی گؤستردیغی امکداشلیق چابالارینا وورغو ائده رک، جمهورباشقانی رجب طیب اردوغانین آچیقلامالارینا گئنیش یئر آییریب.
ایراندا درج اولونان قزئتلر، پرزیدنت اردوغانین آمرکا تحریملری قارشیسیندا اورتایا قویدوغو اعتراض ایله تورکیه و ایران آراسیندا ایش بیرلیگینی عکس ائتدیرن خبرلری ایلک صحیفهلرینه داشیدی.
رفورمیست یایین ائدن "ایران" آدلی قزئت، اردوغانین آمریکایا گؤستردیگی اعتراضینی اوخوجولارینا " کودتا ایله تحریمین فرقی یوخدور" باشلیغی ایله کؤچوروب.
قزئت، اردوغانین خالقا وئردیگی؛ دولارلارینیزی تورک لیرهسی ایله دییشدیرین چاغیریشینا دا ایستیناد ائدهرک، بو شکیلده دولار کوروندا باش وئرن حرکتلنمه نین اؤنونه کئچمک ایستدیگینی یازدی.
دیگر بیر رفورمیست قزئت "آفتاب یزد" ایسه تورکیه، ایران و روسیانین بیرلیکده حرکت ائتدیگینی وورغولایاراق، سؤزقونوسو خبری "آمریکا تحریملری قارشیسیندا اوچ اؤلکهنین بیرلیگی" باشلیغی ایله اوخوجولاری ایله پایلاشدی.
روحانی حکومتینه یاخینلیغی ایله تانینان "مردومسالاری" قزئتی ده آمریکانین تحریملری قارشیسیندا تورکیه و ایرانین موجود ایش بیرلیگینه دقتی چکهرک، تورکیه ایله آمریکا آراسینداکی گرگینلیگین، فتح الله چی ترور تشکیلاتی فتو و بؤلوچو ترور تشکیلاتی پ.ک.ک ایله علاقهلی آمریکالی کشیش اندریو برانسون ون حبس اولونماسی ایله باشلادیغینی و آمریکا پرزیدنتی دونالد ترامپ ین بو سببله تورکیهدن اینتیقام آلماق ایستدیغینی اؤن پلانا چیخاردی.