غزه-ده تورکیه طرفیندن تیکدیریلن خسته‌خانا یاخین زاماندا ایستیفاده‌یه وئریله‌جک

فیلیسطین-ین باش ناظیری محمد اشتیه محاصره آلتینداکی غزه-ده تورک امکداش‌لیق و کووردیناسیون آژانسی (تیکا) طرفیندن تیکینتی ایشلری باشا چات‌دیریلان "تورکیه-فیلیسطین دوستلوق خسته‌خاناسی" نین یاخین زاماندا ایستیفاده‌یه وئریله جگینی سؤیله‌دی.

ایشتیه ایشغال اولونموش اردن چایی‌نین غرب ساحلیندکی رام الله-دا تیکینتی ایشلری تامام‌لانان میللی کانسر و ژنتیک  خسته‌لیک‌لر تشخیص مرکزی‌نین آچیلیش مراسیمینده "بیزیم اوچون واجیب اولان شئی غزه-ده ، قودس-ده و قاچقین دوشرگه‌لرین‌دکی اینسان‌لاریمیزین چکدیک‌لری اذیت‌لرینی آزالاتماق و حیات شرایط ‌لرینی یاخشی‌لاش‌دیرماق‌دیر" دئدی.

اشتیه غزه-ده کی تورکیه-فیلیسطین دوستلوق خسته‌خاناسی باره‌ده ایسه "غزه-ده کی تخمینا 200 خسته توتوم‌لو تورک خسته‌خاناسی یاخین زاماندا ایستیفاده‌یه وئریله‌جک" دئیه بیلدیردی.

تیکا طرفیندن، "فیلسیین-تورکیه دوستلوق خسته‌خاناسی" آدلان‌دیریلان و تخمینا 62 میلیون دول‌لارا باشا گلن غزه زولاغینداکی خسته‌خانا "فیلیسطین-ین ان بؤیوک و معاصر خسته‌خاناسی" عنوانینی آلا‌جاق. خسته خانا 10 بلوک‌دان عبارت اولا‌جاق.