داعش یئنه سالدیردی
ترور هؤرگوتو داعش عضوو تروریستلر طرفیندن تشکیل ائدیله‌ن سالدیریدا ۳ عسگر اؤلدو
ترور هؤرگوتو داعشین، عراقین کرکوک شهرین‌ده یول کنارینا یئرلشدیردیگی بومبانی اوزاقدان کنترللا پاتلاتماسی نتیجه‌سینده ۳ عراق عسگری اؤلدو.
کرکوک پلیس اداره‌سی مطبوعات سؤزچوسو امیر نوری، شهرین گونئیینده‌کی داقوق ائلچه‌سی یاخینلارین‌دا طالعه الرمل و البو شهاب کندلری آراسینداکی یولا یئرلشدیریله‌ن بومبانین عراق اوردوسونا عاید بیر عسگری آراجین گئچیشی سیراسیندا اوزاقدان کنترللا پاتلادیلدیغینی سؤیله‌دی.
نوری، ترور هؤرگوتو داعش عضوو تروریستلر طرفیندن تشکیل ائدیله‌ن سالدیریدا ۳ عسگرین اؤلدوگونو، ۱ عسگرین یارالاندیغینی قید ائتدی.
سالدیرینین آردین‌دان داقوق یاخینلارین‌دا عملیات باشلادیلدیغی معلوماتینی وئره‌ن نوری، عملیاتین ائلچه‌نین گونئیینده‌کی چؤل بؤلگه‌ده ده داوام ائدجگینی دئدی.
ترور هؤرگوتو داعش، ۲۱ ژانویه‌ده ده دیاله ویلایتینه باغلی عُظیم ناحیه‌سینده اوردو گوجلرینه سالدیری تشکیل ائتمیش، حادثه‌ده ۱۱ عراق عسگری حیاتینی ایتیرمیشدی.
