داعشه قارشی عملیات
داعشه قارشی گئنیش مقیاسلی عملیات باشلادان عراق فدرال پلیسی، چوخ ساییدا سلاح، مهمات و یاشام گَره‌جی اله گئچیردی
عراق فدرال پلیسی کرکۆکون گونئیینده ترور هؤرگوتو داعشه قارشی عملیات باشلاتدی.
کرکۆک پلیس اداره‌سینین مطبوعات سؤزچوسو امیر نوری، شهرین گونئیینده‌کی رشاد ناحیه‌سی یاخینلیغین‌دا داعشه قارشی گئنیش مقیاسلی عملیات باشلادان عراق فدرال پلیسینین چوخ ساییدا سلاح، مهمات و یاشام گَره‌جی اله گئچیردیگینی بیلدیردی.
نوری آیریجا، حشد الشعبی گوجلرینین دستکله‌دیگی عملیاتین یاخین گونلرده گئنیشله‌ندیریله‌جگینی سؤیله‌دی.
ترور هؤرگوتو داعش ژوئن ۲۰۱۴ده عراقین موصول، صلاح‌الدین و انبار ویلایتلرینین تامامی ایله دیاله و کرکۆک ویلایتلرینین بیر بؤلومونو اله گئچیرمیش، بو بؤلگه‌لر ایللر ایچینده هؤرگوتدن گئری آلینمیشدی.
داعشین بؤلگه‌دن چیخاردیلماسیندان و شهرلرین گئری آلینماسیندان ۴ ایله یاخین واخت گئچمه‌سینه باخمایاراق، هؤرگوتون سالدیریلاری اؤزللیکله کرکۆک، دیاله، موصول، صلاح‌الدین و انبار ویلایتلرینین اطراف بؤلگه‌لرینده داوام ائدیر.
