کرکۆکده داعشه قارشی عملیات باشلادیلدی
عراق گوونلیک گوجلرینین کرکۆک شهرینین گونئیینده داعشه قارشی عملیات باشلاتدیغی بیلدیریلدی
عراقین کرکۆک شهرینده ترور هؤرگوتو داعشه قارشی گئنیش مقیاسلی عملیات باشلادیلدی.
کرکۆک پلیس ایدارهسینین مطبوعات سؤزچوسو امیر نوری، قونو ایله باغلی وئردیگی آچیقلامادا، عراق گوونلیک گوجلرینین کرکۆک شهرینین گونئیینده داعشه قارشی عملیات باشلاتدیغینی بیلدیردی.
نوری، آیریجا کرکۆکون گونئیینده باشلادیلان عملیاتدا چوخ ساییدا مهماتین اله گئچیریلدیگینی ده بیلدیردی.
گوونلیک گوجلرینه آرا سیرا سالدیران تروریستلرین بو بؤلگهده اولدوغونو قید ائدن، نوری ایکی گۆنلوک عملیاتین مقصدینین بؤلگهنی تروریستلردن تامامیله تمیزلهمک اولدوغونو ایفاده ائتدی.
داعش، ژوئن ۲۰۱۴ده موصول، صلاحالدین و انبار ویلایتلرینین هامیسینی، دیاله و کرکۆک ویلایتلرینین بیر قیسمینی اله گئچیردی و بو بؤلگهلر ایللر ایچینده هؤرگوتدن گئری آلیندی.
داعشین بؤلگهدن قووولماسیندان و شهرلرین گئری آلینماسیندان ۴ ایلدهن چوخ بیر زامان گئچمهسینه باخمایاراق، هؤرگوتون سالدیریلاری اؤزللیکله کرکۆک، دیاله، موصول، صلاحالدین و انبار ویلایتلری اطرافیندا داوام ائدیر.