عراقدا توپلو مزار تاپیلدی
عراقدا توپلو مزارلاردا ۶-۱۲ مین نفرین جسدی اولدوغو تخمین ائدیلیر
1799608
عراقین قوزئییندهکی نینوا ولایتینده، کیملیگی بیلنمهین ۱۴۳ نفرین جسد قالیقلارینین تاپیلدیغی بیلدیریلدی.
نینوا مولکی مدافعه مودورلوگوندن وئریلهن یازیلی آچیقلامایا گؤره، ولایتین مرکزی موصل شهرینین الرفاعی بؤلگهسینده توپلو مزار تاپیلدی.
مولکی مدافعه قروپلاری ترور هؤرگوتو داعشین بؤلگهنی کنترل ائتدیگی ایللرده (۲۰۱۴-۲۰۱۷) اؤلدورولهن ۱۴۳ نفرین جسدینین قالیقلارینی توپلو مزاردان چیخاردی. جسدلرین عدلی طب قورومونا گؤندریلدیگی بیلدیریلدی.
عراقدا توپلو مزارلاردا ۶-۱۲ مین نفرین جسدی اولدوغو تخمین ائدیلیر.
ترور هؤرگوتو داعش ۲۰۱۴.جو ایلین ژوئن آییندا عراقین موصل، صلاحالدین و انبار ویلایتلرینین هامیسی ایله دیاله و کرکوک ویلایتلرینین بیر قیسمینی اله گئچیرمیش، بو بؤلگهلر ایللر ایچینده گئری آلینمیشدی.