آفاد پاکیستانا 26 مین چادیر گؤندریب

تورکیه ایچ ایشلر ناظیرلیگی‌نین طبیعی فلاکت و فوق العاده حال‌لار آژانسی (آفاد) پاکیستان-دا داشقین قوربان‌لاری اوچون ایندییه‌دک 26 مین چادیر و 400 مین‌دن چوخ قیدا و تمیزلیک باغلاماسی پایلاییب.

پاکیستان‌-داکی سئل فلاکتی ایله باغلی سون وضعیتی گؤروشمک اوچون دونن پایتاخت ایسلام آبادا گئدن آفاد صدری یونوس سزر پاکیستان میللی فلاکت ایداره ائتمه آژانسیندا (NDMA) رسمی‌لرله بیر آرایا گلیب.

ییغینجاقدان سونرا وئردیگی آچیقلامادا آفاد صدری سزر پاکیستان رسمی‌لریندن سئل فلاکتینده‌کی سون وضعیتله باغلی معلومات آلدیق‌لارینی و یئنی احتیاج‌لارا اویغون یاردیم کامپانیا‌لارینی ایستیقامتلندیرمک اوچون ایسلام آبادا گلدیک‌لرینی بیلدیریب.

تورکیه-دن پاکیستانا 14 اوچاق یاردیم گؤندریلدیگینی و بو گون سایجا 13-جو خیرخاه‌لیق قاطاری‌نین یولا دوشه‌جگینی بیلدیرن سزر سویون بعضی یئرلرده چکیلمه‌سی‌نین سئویندیریجی اولدوغونو وورغولاییب.

آفاد اولا‌راق پاکیستان-دا تخمینن 30 نفرلیک بیر هئیتین اولدوغونو ایفاده ائدن سزر "پاکیستان-دا 26 مین چادیر و 400 میندن چوخ ارزاق و تمیزلیک باغلاماسی پایلادیق" دئییب.

پاکیستان-دا ژوئن‌ین 14-دن بری داوام ائدن موصون یاغیش‌لاری‌نین یاراتدیغی سئل فلاکت‌لری نتیجه‌سینده 1638 نفر اؤلوب، 12 میندن چوخ اینسان یارالانیب.